Fana: At a Speed of Life!

ሃገር አቀፍ ብሄራዊ ፈተና በሰላም መጠናቀቁን ትምህርት ሚኒስቴር አስታወቀ

አዲስ አበባ ፣ ሰኔ 11 ፣ 2011 (ኤፍ ቢ ሲ) ካለፈው ሳምንት ጀምሮ በመላ ሃገሪቱ ሲሰጥ የቆየው ሃገር አቀፍ ብሄራዊ ፈተና በሰላም መጠናቀቁን ትምህርት ሚኒስቴር አስታወቀ።

ሚኒስቴሩ ከ10ኛ ክፍል ብሄራዊ ፈተና መጠናቀቅ በኋላ ካለፈው ሳምንት አጋማሽ ጀምሮ ሲሰጥ የቆየው የከፍተኛ ትምህርት መግቢያ ብሔራዊ ፈተና በሰላም መጠናቀቁን አስታውቋል።

ፈተናው በስኬት እንዲጠናቀቅ አስተዋጽኦ ላደረጉ አካላትም ምስጋናውን አቅርቧል።

ፈተናውን የወሰዱ ተማሪዎችም የእረፍት ጊዜያቸውን በበጎ ፈቃድ ተግባር በመሰማራት እንዲያሳልፉም ጥሪውን አቅርቧል።

የ10ኛ ክፍል ሃገር አቀፍ ብሄራዊ ፈተና ባለፈው ሳምንት አጋማሽ የተጠናቀቀ ሲሆን፥ የ12ኛ ክፍል ብሄራዊ ፈተና ደግሞ በዛሬው እለት በሰላም ተጠናቋል።

የ8ኛ ክፍል ፈተና ደግሞ ከነገ ጀምሮ የሚሰጥ ይሆናል።

You might also like
Comments
Loading...