Fana: At a Speed of Life!

ፕሮፌሰር ብርሃኑና አቶ አንዱአለም የኢዜማ መሪና ምክትል መሪ በመሆን ተመረጡ

አዲስ አበባ፣ግንቦት 2፣ 2011 (ኤፍ.ቢ.ሲ) ፕሮፌሰር ብርሃኑ ነጋና አቶ አንዱአለም አራጌ የኢትዮጵያ ዜጎች ማህበራዊ ፍትህ ፓርቲ መሪና ምክትል መሪ በመሆን ተመረጡ፡፡
 
በዛሬው ዕለት በተካሄደው ምርጫ ፕሮፌሰር ብርሃኑ ነጋ 912 ድምፅ በማግኘት የፓርቲው መሪ በመሆን ተመርጠዋል፡፡
 
በተመሳሳይ አቶ አንዱአለም አራጌ የፓርተዊው ምክትል መሪ በመሆን ተመርጠዋል፡፡
 
እንደዚሁም አቶ የሸዋስ አሰፋ 722 ደምፅ በማግኘት ሊቀመንበር ሆነው ሲመረጡ፥ ዶክተር ጫኔ ከበደ ምክትል ሊቀመንበር በመሆን ተመርጠዋል።
ዶክተር ብርሃኑ ነጋ ከምርጫው በኋላ ባስተላለፉት መልዕከት የአዲሱ ፓርቲ ቀዳሚ ዓላማ የተረጋጋ ዴምክራሲያዊ ስርአት መፍጠር መሆኑን ተናግረዋል። 
የተረጋጋ ዴምክራሲ እና የተገራ ፓለቲካ መፍጠር ወሳኝ ነው ያሉት የፓርቲው መሪ፥  ገዢው ፓርቲ ሀገርን ለማረጋጋት ስራ ትኩረት መስጠት አለበት ብለዋል።
በዚህ ስራ የኢትዮጵያ ዜጎች ለማህበራዊ ዋስትና ፓርቲም ገዢውን ፓርቲ ያግዛል ብለዋል።
በብሄር ለተደራጁ ፓርቲዎች ባስተላለፋት መልእክትም “እኛን እንደ ጠላት አትዩ አትፍሩንም” ብለዋል።
“ሁላችንም የአንድ ሀገር ዜጎች ነን የሃሳብ ልዩነታችንን በሰለጠነ መንገድ በውይይት እንፍታ። ወደ ክልላችን አትምጡ ወደ ወረዳችን አትድረሱ ከሚል ለዚህ ዘመን የማይመጥን የፖለቲካ ወጡ። የህዝቡን አማራጭ ሀሳብ የማግኘት እና የመምረጥ መብት አትንፈጉ” ሲሉም መልዕክት አስተላልፈዋል።
You might also like
Comments
Loading...