Fana: At a Speed of Life!

ፕሬዚዳንት ትራምፕ ኢራንን ክፉኛ አስጠነቀቁ

አዲስ አበባ ግንቦት 12፣ 2011(ኤፍ.ቢ.ሲ) የአሜሪካው ፕሬዚዳንት ዶናልድ ትራምፕ ኢራንን ክፉኛ አስጠንቅቀዋል።

በቅርቡ አሜሪካ የጦር መሳሪያ የጫኑ መርከቦችና ወታደሮችን  ወደ መካከለኛው ምስራቅ መላኳን ተከትሎ በሀገራቱ መካከል ውጥረት መንገሱ ይታወቃል።

በዚህም ሁለቱ ሀገራት እና ደጋፊዎቻቸው ጎራ ለይተው እየተወዛገቡ ይገኛሉ።

ፕሬዚዳንት ዶናልድ ትራምፕ በትናንትናው ዕለት በትዊተር ገጻቸው እንዳስታወቁት ፥ኢራን ከአሜሪካ ጋር ጦርነት የምትገጥም ከሆነ እንደ ሀገር የመቀጠሏ ጉዳይ ያበቃለታል ብለዋል።

አሜሪካ ከኢራን የሚቃጣውን ጥቃት  ሁሉ የማክሸፍ አቅም አላት ያሉት ትራምፕ፥ ኢራን ዩናይትድ ስቴትስን ከመተንኮስና ከማስፈራራት እንድትቆጠብ አሳስበዋል።

ከድርጊቷ ሳትቆጠብ ቀርታ ከአሜሪካ ጋር ወደ ጦርነት የምትገባ  ከሆነ ግን እንደ ሀገር የመቀጠሏ ጉዳይ ያበቃለታል ነው ያሉት ዶናልድ ትራምፕ።

ፕሬዚዳንት ትራምፕ ይህንን ማስጠንቀቂያ ያስተላለፉትም ባለፈው ሳምንት ነዳጅ በጫኑ የሳዑዲ መርከቦች እንዲሁም በትናንትናው ዕለት በኢራቅ ዋና ከተማ የሮኬት ጥቃት መፈፀሙን ተከትሎ ነው ተብሏል።

ኢራን በበኩሏ በአሁኑ ወቅት ጦርነት የመግጠም ፍላጎት የሌላት መሆኑን በመግለፅ፥ አሜሪካ በሀገሪቱ ላይ ጥቃት የምትፈፅም ከሆነ ግን አፀፋዊ እርምጃው  የከፋ እንደሚሆን ማስጠንቀቋ ይታወሳል።

ምንጭ፦አልጀዚራ

You might also like
Comments
Loading...