Fana: At a Speed of Life!

ፕሬዚዳንት ሳህለወርቅ ከፕሬዚዳንት ኡሁሩ ኬንያታ ጋር ተወያዩ

አዲስ አበባ፣ ግንቦት 6፣ 2011 (ኤፍ.ቢ.ሲ) የኢፌዴሪ ፕሬዚዳንት ሳህለወርቅ ዘውዴ ከኬንያው ፕሬዚዳንት ኡሁሩ ኬንያታ ጋር ተወያዩ።

በኬንያ የአንድ ቀን ይፋዊ የስራ ጉብኝት በማድረግ ላይ የሚገኙት ፕሬዚዳንት ሳህለወርቅ ዘውዴ በሀገሪቱ ፕሬዚዳንት አሁሩ ኬንያታ ይፋዊ አቀባበል ተደርጎላቸዋል።

በዚሁ ወቅትም ፕሬዚዳንት ሳህለወርቅ ዘውዴ እና የኬንያው ፕሬዚዳንት ኡሁሩ ኬንያታ በሁለቱ ሀገራት ሁለንተናዊ ግንኙነት ላይ ትኩረት አድርገው መክረዋል።

በውይይታቸውም ኢትዮጵያ እና ኬንያ ለረጅም ጊዜ የቆየ ግንኙነትና ትብብር እንዳላቸው የጠቀሱት መሪዎቹ በቀጣይም ግንኙነቱን ወደ ላቀ ደረጃ ለማሳደግ በሚችሉባቸው ጉዳዮች ላይ በጋራ እንደሚሰሩ አረጋግጠዋል።

ከዚህ በተጨማሪም በአካባቢያዊ ጉዳዮች ላይ መምከራቸውን የገለጹ ሲሆን፥ ኢትዮጵያ እና ኬንያ ለክልሉ ሰላምና መረጋገጥ የሚጠበቅባቸውን እንደሚወጡም አመልክተዋል።

ከውይይቱ በኋላም ፕሬዚዳንት ኡሁሩ ኬንያታ እና ቀዳማዊት እመቤት ማርጋሬት ኬንያታ ፕሬዚዳንት ሳህለወርቅ ዘውዴ ክብር የምሳ ገብዣ አድርገዋል።

በምሳ ግብዣው ላይም የኬንያ የውጭ ጉዳይ ሚኒስትር አምባሳደር ሞኒካ ጁማ እና የሀገሪቱ የመከላከያ ሚኒስትር ሪቼል ኦማሞን ጨምሮ ከፍተኛ የሀገሪቱ ባለስልጣናት ተገኝተዋል።

እንዲሁም በኬንያ የኢትዮጵያ ባለሙሉ ስልጣን አምባሳደር መለስ አለም እና በኢትዮጵያ የኬንያ አምባሳደር ካትሪን ምዋጊም በግብዣው ላይ ተገኝተዋል።

You might also like
Comments
Loading...