Fana: At a Speed of Life!

ፕሬዚዳንት ሣህለወርቅ ዘውዴ ከኔዘርላንድስ ንግስት ማክሲማ ጋር ተወያዩ

አዲስ አበባ ፣ ግንቦት 7 ፣ 2011 (ኤፍ ቢ ሲ) ፕሬዚዳንት ሣህለ ወርቅ ዘውዴ ከኔዘርላንድስ ንግስት ማክሲማ ጋር ተወያዩ።

ፕሬዚዳንቷ ንግስቷ አካታች የሆነ የፋይናንስ ስርዓት እንዲጎለብት ለሚያደርጉት ጥረት ምስጋናቸውን አቅርበዋል።

አካታች የፋይናንስ ስርዓትን እውን ማድረግ የሚኖረው ፋይዳ በሌሎችም ዘርፎች ላይ በጉልህ እንደሚንጸባረቅም አንስተዋል።

ንግስት ማክሲማ በበኩላቸው አካታች የፋይናንስ ስርዓትን ለማጎልበት እየተከናወኑ ባሉ ተግባራት ዙሪያ ከባለድርሻ አካላት ጋር መወያየታቸውን ተናግረዋል።

ውጤታማ የሆነ አካታች የፋይናንስ ስርዓትን ለመዘርጋት የሚደረገው ጥረት፥ በተለይም ሴቶችን ባቀፈ መልኩና ቅድሚያ የሚሰጣቸውን ተግባራት በለየ መንገድ መሰራት እንደሚገባው መናገራቸውን ከፕሬዚዳንት ፅህፈት ቤት ያገኘነው መረጃ ያመላክታል።

ንግስት ማክሲማ በተባበሩት መንግስታት ድርጅት ዋና ፀሃፊ የአካታች ፋይናንስ ልማት አምባሳደርነታቸው በኢትዮጵያ የሁለት ቀናት ጉብኝት ለማድረግ አዲስ አበባ መግባታቸው ይታወሳል።

በእስካሁኑ ቆይታቸውም የተለያዩ የመንግስት መስሪያ ቤቶችን የጎበኙ ሲሆን፥ ከተመድ የልማት አጋሮች እና ከግሉ ዘርፍ ተወካዮች ጋርም ተወያይተዋል።

 

You might also like
Comments
Loading...