Fana: At a Speed of Life!

ፌዴሬሽኑ በቅርቡ በአፋር ክልል  ህይወቱ ላለፈውና ለተጎዱ የዋልታ እግር ኳስ ክለብ አባላት ድጋፍ አደረገ

አዲስ አበባ፣ ሚያዚያ 29፣ 2011 (ኤፍ ቢ ሲ) የኢትዮጵያ እግር ኳስ ፌዴሬሽን በቅርቡ በአፋር ክልል በታጣቂዎች ህይወቱ ላለፈውና የአካል ጉዳት ለደረሰባቸው የትግራይ ፖሊስ ዋልታ የእግር ኳስ ቡድን አባላት በዛሬው ዕለት ድጋፍ አድርጓል።

የሟች ቤተሰቦችና የክለቡ አባላት በበኩላቸው በተደረገው ድጋፍ መኩራታቸውን ገልጸዋል።

የኢትዮጵያ እግር ኳስ ፌዴሬሽን ፕሬዚዳንት አቶ ኢሳያስ ጁራ በአደጋው ሕይወቱ ላለፈው አማኑኤል ብርሃነ ቤተሰብ 50ሺህ ብር፤የአካል ጉዳት ለደረሰባቸው አምስት የክለቡ አባላት በነፍስ ወከፍ 25 ሺህ ብር አበርክተዋል።

ፕሬዚዳንቱ በዚሁ ወቅት የሟች ቤተሰቦችና ጥቃት የደረሰባቸው ስፖርተኞች እንዲጽናኑ ጠይቀዋል።

ክለቡ በተፈጠረው ችግር ሳይንበረከክ እንዲጠናከርም አቶ ኢሳያስ አሳስበዋል።

የትግራይ ክልል ፖሊስ ኮሚሽነር መኮንን ካህሳይ በበኩላቸው ፌዴሬሽኑ አደጋው ከተፈፀመ ጀምሮ እስካሁን እያደረገ ያለው ክትትልና ድጋፍ እንዳረካቸው ገልጸዋል።

ክልሎች ፀረ ሰላም ኃይሎች ለመያዝ በሚደረገው እንቅስቃሴ ተቀናጅተው እንዲሰሩ መጠየቃቸውን ኢዜአ ዘግቧል።

የሟች አማኑኤል ቤተሰቦችና የአካል ጉዳት የደረሰባቸው የክለቡ አባላት በተደረገው ድጋፍ መኩራታቸውን ተናግረዋል።

በክለቡ አባላት ላይ በአፋር ክልል ገዋኔ ወረዳ እንድፍኦ ቀበሌ ማንነታቸው ባልታቁ ሰዎች ጉዳት የደረሰው ባለፈው ሣምንት ነበር።

You might also like
Comments
Loading...