Fana: At a Speed of Life!

ጤናማ ያልሆነ ውፍረት ለሞትና በተለያዩ በሽታዎች የመጠቃት ዕድልን ይጨምራል -ጥናት

አዲስ አበባ፣ ሚያዚያ 25፣2011 (ኤፍ.ቢ.ሲ) ጤናማ ያልሆነ ውፍረት ለተለያዩ በሽታዎች የመጋለጥና ያለ እድሜ የመሞት ዕድልን እንደሚጨምር ጥናቶች አመላከቱ ።

በብሪታንያ በጉዳዩ ዙሪያ የተካሄዱ ጥናቶች እንደሚያሳዩት ከሆነ፥ ጤናማ ያልሆነ ውፍረት ለተለያዩ በሽታዎች ከማጋለጡ ባሻገር ህይዎትን በአጭሩ ሊቀጥፍ ይችላል።

በጥናቱ ውጤት መሰረት የሰውነት መጠን መለኪያ ደረጃቸው ከ30 እስከ 35 የሆኑ ሰዎች፥ ጤናማ የሰውነት መጠን መለኪያ ከሚያሟሉት ጋር ሲነፃፀር 70 በመቶ ያህን በልብ በሽታ የመያዝ ዕድል አላቸው።

በ2 ነጥብ 8 ሚሊየን ወጣቶች ላይ በተካሄደው በዚህ ጥናት ጤናማ ላልሆነ ውፍረት የተጋለጡ ሰዎች በሁለት ዕጥፍ በስኳር በሽታ የመጠቃት እድል አላቸው።

ውጤቱን ተከትሎም ችግሩን ለመከላከል ቀጣይነት ያለው እርምጃ መውሰድ አስፈላጊ መሆኑን የብሪታንያ ማህበረሰብ አቀፍ ጤና አገልግሎት አስታውቋል።

በአውሮፓ ምክር ቤት ጤናማ ያልሆነ ውፍረትን አስመልክቶ በቀረበ ጥናት መሰረት ደግሞ የሰውነት መጠን መለኪያ ደረጃቸው ከ 40 እስከ 45 የሆኑ ሰዎች በስኳር በሽታ የመያዝ ዕድላቸው በዘጠኝ ዕጥፍ ይጨምራል።

ከዚህ ባለፈም ከ12 ዕጥፍ በላይ ለትንፋሽና ተያያዥ በሽታዎች የመጋለጥ ዕድል ያላቸው መሆኑ በጥናቱ ተመላክቷል።

ምንጭ ፦ቢቢሲ

You might also like
Comments
Loading...