Fana: At a Speed of Life!

ጡት ማጥባት እናቶች ለልብ ህመም የመጋለጥ ዕድላቸውን ይቀንሳል – ጥናት

አዲስ አበባ፣ ግንቦት 15፣ 2011 (ኤፍቢሲ) ለረጅም ጊዜ ልጆቻቸውን ጡት የሚያጠቡ እናቶች በልብ በሽታ የመጋለጥ ዕድላቸው እንደሚቀንስ አንድ ጥናት ይፋ አደረገ።

የጡት ወተት ለህፃናት ጤና ጠቃሚ መሆኑ አብዛኛውን ጊዜ የሚነገር ሲሆን፥ የእናት ወተት ለህፃናት ጠቃሚ ምግብ እና ባክቴሪያ እንዲሁም ቫይረሶችን የመከላከል አቅም እንደሚሻሽልላቸው ነው የሚነገረው።

ህፃናትን ጡት የሚያጠቡ እናቶች በእርግዝና ምክንያት የሚከሰት ውፍረትን በፍጥነት መቀነስ እንዲችሉ ያደርጋል።

እንዲሁም ከልጆቸው ጋር ያላቸው ግንኙነትም ይበልጥ እንዲጠነክር ስለማድረጉም ነው የተሰሩ ጥናቶች የሚያመለክቱት።

በአቴንስ ዩኒቨርስቲ ተመራማሪዎች የተሰራው አዲስ ጥናትም ጡት የሚያጠቡ እናቶች በልብ በሽታ የመጋለጥ እድላቸው ዝቅተኛ ነው ብሏል።

ተመራማሪዎቹ የ283 የሚሆኑ እናቶችን የልብ እና የደም ስር ጤናቸውን እና ከጡት ከማጥባት ጋር ያለውን ግንኙነት በተመለከተ ክትትል አድርገዋል።

በዚህ ጥናት መሰረትም ከ1 ወር እስከ 80 ወራትን ያሉ ጊዜያትን ለልጆቻቸው ጡት ያጠቡ እናቶች ተሳታፊ መሆናቸው ነው የተነገረው።

በዚህም ጡት ማጥባት የልብ በሽታ ተጋላጭነትን እንደሚቀንስ ማረጋገጣቸውን ነው ተመራማሪዎቹ የተናገሩት።

ምንጭ፡-www.healthline.com

You might also like
Comments
Loading...