Fana: At a Speed of Life!

ጠ/ሚ ዶክተር ዐቢይ አህመድ ከኔዘርላንድስ ንግስት ማክሲማ ጋር ተወያዩ

አዲስ አበባ ፣ ግንቦት 7 ፣ 2011 (ኤፍ ቢ ሲ) ጠቅላይ ሚኒስትር ዶክተር ዐቢይ አህመድ ከኔዘርላንድስ ንግስት ማክሲማ ጋር ተወያዩ።

ጠቅላይ ሚኒስትር ዶክተር ዐቢይ አህመድ በቴክኖሎጂ የሚታገዝ አካታች የፋይናንስ አሰራርን ለመተግበር መዋቅራዊ ለውጦችን በማምጣት ወሳኝ መሰረት ለመጣል ቅድሚያ እንደሚሰጥ ተናግረዋል።

የተባበሩት መንግስታት ዋና ፀሃፊ የአካታች ፋይናንስ ለልማት ልዩ ተወካይ ሆነው አዲስ አበባ የተገኙት ንግስቲቱ በሀገሪቱ እየተካሄደ ያለው ለውጥ ወሳኝ መሆኑን ገልፀዋል።

በተለያዩ ዘርፎች በተለይም በቴሌኮም ዘርፍ እየተካሄደ ያለውን የማዘመንና ወደግል የማዛወር እንቅስቃሴ አድንቀው ይህም ለአካታች የፋይናንስ አሰራር መልካም እድል ይፈጥራል ማለታቸውን ከጠቅላይ ሚኒስትር ፅህፈት ቤት ያገኘነው መረጃ ያመላክታል።

ንግስት ማክሲማ በኢትዮጵያ የሁለት ቀናት ጉብኝት ለማድረግ አዲስ አበባ መግባታቸው ይታወሳል።

በዛሬው እለት ከኢፌዴሪ ፕሬዚዳንት ሳህለወርቅ ዘውዴ ጋር መወያየታቸው ይታወሳል።

በትናንትናው እለትም የተለያዩ የመንግስት መስሪያ ቤቶችን የጎበኙ ሲሆን፥ ከተመድ የልማት አጋሮች እና ከግሉ ዘርፍ ተወካዮች ጋርም ተወያይተዋል።

 

You might also like
Comments
Loading...