Fana: At a Speed of Life!

ጎግል በዝቅተኛ ዋጋ የሚሸጡ ፒክስል ስማርት ስልኮችን ይፋ አደረገ

አዲስ አበባ፣ ሚያዚያ 30፣ 2011 (ኤፍ.ቢ.ሲ) የቴክኖሎጂ ኩባንያው ጎግል ወደ ስማርት ስልክ ገበያው ከተቀላቀለ ዋል አደር ብሏል።

ኩባንያው አሁን ደግሞ የስማርት ስልክ ገበያውን ለመቆጣጠር ያስችለው ዘንድ አዲስ ነገር ይዞ መጥቷል የተባለ ሲሆን፥ ይህም በአነስተኛ ዋጋ የሚሸጥ ፒክስል ስማርት ስልክ ነው።

ጎግል በአነስተኛ ዋጋ ይሸጣል ብሎ ይፋ ያደረገው ስማርት ስልኩም ፒክስል 3a እና ፒክስል 3a XL የተባሉ ስማርት ስልኮች መሆናቸውም ተነግሯል።

ጎግል ፒክስል 3a እና ፒክስል 3a XL የተባሉ ስማርት ስልኮቹን ለገበያ የሚያቀርበውም ከ7 ወር በፊት ለገበያ ካቀረበው ፒክስል 3 ስማርት ስልክ መሸጫ ዋጋ በግማሽ የቀነሰ መሆኑም ተነግሯል።

በዚህም መሰረት ፒክስል 3a በ521 የአሜሪካ ዶላር ለገበያ ይቀርባል የተባለ ሲሆን፥ መጠኑ ገዘፍ ያለው ፒክስል 3a XL ስማርት ስልክ ደግሞ በ612 የአሜሪካ ዶላር እንደሚሸጥ ነው የተነገረው።

አሁን ባለው የስማርት ስልክ ገበያ ላይ ከአንድሮይድ ስማርት ስልኮች ጎግል ውድ ዋጋ የሚያስከፍል አንደሆነም ነው መረጃዎች የሚያሳዩት።

የጎግል ዋነኛ ስማርት ስልኮች መሸጫ ዋጋ ከሳምሰንግ ጋላክሲ S10e በ92 የአሜሪካ ዶላር ብልጫ ያለው ሲሆን፥ ከሁዋዌይ P30 ደግሞ የ52 የአሜሪካ ዶላር ብልጫ እንዳለውም በማሳያነት ቀርቧል።

ጎግል አሁን ላይ በዝቅተኛ ዋጋ ያቀረባቸው ስማርት ስልኮች በይበልጥ የስማርት ስልክ ገበያውን ሰብሮ ለመግባት እንደሚያስችለውም ተገምቷል።

ጎግል በአነስተኛ ዋጋ ከሚሸጡት ስማርት ስልኮቹ በተጨማሪም በድምፅ ብቻ ማዘዝ እና መቆጣጠር የሚያስችል ስማርት ስክሪን ይፋ ማድረጉም ነው የተገለፀው።

ምንጭ፦ www.bbc.com

You might also like
Comments
Loading...