Fana: At a Speed of Life!

ዶናልድ ትራምፕ ከቻይናው አቻቸው ሺ ጂንፒንግ ጋር እንደሚወያዩ አስታወቁ

አዲስ አበባ ፣ ግንቦት 6 ፣ 2011 (ኤፍ ቢ ሲ) ፕሬዚዳንት ዶናልድ ትራምፕ ከቻይናው አቻቸው ሺ ጂንፒንግ ጋር እንደሚወያዩ አስታወቁ።

ትራምፕ ከፕሬዚዳንት ሺ ጂንፒንግ ጋር በቀጣዩ ወር እንደሚወያዩ ገልጸዋል።

ፕሬዚዳንቱ በንግግራቸው በቀጣዩ ወር በጃፓን በሚካሄደው የቡድን 20 አባል ሃገራት ስብሰባ ላይ ከጂንፒንግ ጋር እንደሚወያዩ ጠቅሰዋል።

በጃፓን አደርገዋለሁ ያሉት የሁለትዮሽ ውይይት ምናልባትም ውጤታማና አስደሳች ሊሆን ይችላልም ነው ያሉት በንግግራቸው።

የትራምፕ የእንወያያለን መግለጫ ሁለቱ ሃገራት የገቡት የንግድ ፍጥጫ እየተባባሰ በመጣበት ወቅት የተሰጠ ነው።

አሜሪካ 200 ቢሊየን ዶላር ዋጋ ባላቸው የቻይና ምርቶች ላይ ተጨማሪ ቀረጥን ጥላለች።

በአንጻሩ ቻይና 60 ቢሊየን ዶላር ዋጋ ባላቸው የአሜሪካ ምርቶች ላይ ተጨማሪ ቀረጥ ለመጣል መዘጋጀቷን አስታውቃለች።

ዋሽንግተን በበኩሏ በቀጣዩ ወር 300 ቢሊየን ዶላር ዋጋ ባላቸው የቻይና ምርቶች ላይ ተጨማሪ ቀረጥ ለመጣል ስለማሰቧ እየተነገረ ነው።

 

 

ምንጭ፦ ሬውተርስ

 

You might also like
Comments
Loading...