Fana: At a Speed of Life!

ደቡብ ሱዳን 40 ዲፕሎማቶቿን ከስራ አሰናበተች

አዲስ አበባ፣ ግንቦት 8፣ 2011 (ኤፍ.ቢ.ሲ) ደቡብ ሱዳን 40 ዲፕሎማቶቿን ከስራ ማሰናበቷ ተገለፀ።

ዲፕሎማቶቹ ከስራ የተሰናበቱትም ከሀገሪቱ የውጭ ጉዳይ ሚኒስቴር ዕውቅ ውጪ በተገቢው ስዓትና ጊዜ በስራ ገበታቸው ባለመገኘታቸው ነው  ተብሏል።

የደቡብ ሱዳን የውጭ ጉዳይ ሚነስቴር ምክትል ጸሃፊ ባክ ቫለንቲኖ አኮል ዲፕሎማቶቹ ከስራ ገበታቸው የቀሩበትን ምክንያት በ45 ቀናት ውስጥ በፅሁፍ እንዲያሳውቅ ተደጋጋሚ ጥሪ ቢደረግም አለማቅረባቸውን ተናግረዋል።

ስለሆነም በመስሪያ ቤቱ መተዳደሪያ ህግና ደንብ መሰረት ያለ በቂ ምክንያት በስራ ገበታቸው ያልተገኙና በ45 ቀናት ውስጥ የቀሩበትን ምክንያት በፅሁፍ ማቅረብ ያልቻሉ 40 ዲፕሎማቶች ከስራ መሰናበታቸውን ምክትል ጸሃፊው አስታውቀዋል ።

በዚህ መሰረትም ከስራ የተሰናበቱ ዲፕሎማቶች ሲገለገሉበት የነበረውን የዲፕሎማሲ ፓስፖርት እና መሰል ቁሶችን እንዲመልሱ አሳስበዋል ።

 

ምንጭ ፦ሲጂቲኤን

You might also like
Comments
Loading...