Fana: At a Speed of Life!

የ48ኛው የኢትዮጵያ አትሌቲክስ ሻምፒዮና መካሄድ ጀመረ

አዲስ አበባ ፣ ሚያዚያ 29፣ 2011 (ኤፍ.ቢ.ሲ) የ48ኛው የኢትዮጵያ አትሌቲክስ ሻምፒዮና በዛሬው እለት መካሄድ ጀምሯል።

በአዲስ አበባ ስታዲየም እየተካሄደ ያለው የ48ኛው የኢትዮጵያ አትሌቲክስ ሻምፒዮና እስከ ግንቦት 4 2011 ዓ.ም የሚቆይ ይሆናል።

በመጀመሪያው ቀን ውድድርም 10 ሺህ ሜትር ወንድ እና ሴት እንዲሁም ሁለት የሜዳ ላይ ተግባር ውድድሮች በወንድና በሴት ፍፃሜ አግኝተዋል።

የወንዶች 10,000 ሜትር ፍፃሜ ካገኙ ውድድሮች አንዱ ሲሆን፥ በ87 አትሌቶች መካከል በከፍተኛ ፉክክር ተደርጎበታል።

ውድድሩንም፦

1ኛ ሰለሞን ባረጋ ከደቡብ ፖሊስ 28 ደቂቃ፣ ከ23 ሰከንድ፣ 67 ማይክሮ ሰከንድ

2ኛ አንዷምላክ በልሁ ከሲዳማ ቡና 28 ደቂቃ፣ ከ25 ሰከንድ፣ ከ65 ማይክሮ ሰከንድ

3ኛ አባዲ ሃዲስ ከትራንስ ኢትዮጵያ ስፖርት 28 ከቂቃ ከ29 ሰከንድ ከ39 ማይክሮ ሰከንድ በሆነ ጊዜ ተከታትለው በመግባት አጠናቀዋል።

በሴቶች የ10,000 ሜትር ፍፃሜ ውድድር ላይም ከ54 በላይ ሴት አትሌቶች የተካፈሉበት ሲሆን፥

ውድድሩንም

1ኛ ለተሰንበት ግደይ፣ ከትራንስ ኢትዮጵያ

2ኛ ፀሐይ ገመቹ፣ ብሔራዊ

3ኛ ነፃነት ጉደታ፣ ኦሮሮሚያ ውሃ ሥራዎች ተከታትለው በመግባት ውድድሩን አሸንፈዋል።

በሱሉስ ዝላይ ወንዶች ፍፃሜ፥ 1ኛ አዲር ጉር መከላከያ 15 ነጥብ 88 ሜትር በመዝለል ክብረወሰን በሆነ ውጤት ውድድሩን አሸንፏል።

አትሌት ቢኒኒ አንበሴ ከኢትዮጵያ ንግድ ባንክ  15 ነጥብ 57 ሜትር በመዝለል 2ኛ ደረጃን ሲይዝ፤ ጆሴፍ ኦባንግ ከሲዳማ ቡና 15 ነጥብ 35 ሜትር በመዝለል 3ኛ ደረጃን ይዟል።

የሴቶች አሎሎ ውርወራ ፍፃሜ፥ ዙርጋ ኡስማን ሲዳማ ቡና 13 ነጥብ 55 ሜትር በመወርወር ክርወሰን ጭምር በማሻሻል 1ኛ ሆና አጠናቃለች።

አመለ ይበልጣል መከላከያ 12 ነጥብ 63 ሜትር በመወርወር 2ኛ ስትሆን፥ ሰላማዊት ማሬ ከደቡብ ፖሊስ 12 ነጥብ 15 ሜትር በመወርወር 3ኛ ደረጃን ይዛ አጠናቃለች።

ከዚህ በተጨማሪም 100 ሜትር ወንዶችና ሴቶች፣ በ800 ሜትር ወቀንዶችና ሴቶች እንዲሁም በ400 ሜትር ወንዶችና ሴቶችም የማጣሪያ ውድድሮች ተካሂደዋል።

You might also like
Comments
Loading...