Fana: At a Speed of Life!

የፀጥታው ምክር ቤት በአብየ ግዛት የተሰማራውን ሰላም አስከባሪ ሃይል የቆይታ ጊዜ አራዘመ

አዲስ አበባ ፣ ግንቦት 7 ፣ 2011 (ኤፍ ቢ ሲ) የፀጥታው ክር ቤት በአብየ ግዛት የተሰማራውን ሰላም አስከባሪ ሃይል የቆይታ ጊዜ አራዘመ።

ምክር ቤቱ ባወጣው መግለጫ እስከ ቀጣዩ ህዳር ወር ድረስ የሰላም አስከባሪ ሃይሉን የቆይታ ጊዜ ማራዘሙን አስታውቋል።

ከዚህ ባለፈም በስፍራው የሚገኙ ወታደሮችን ቁጥር ወደ 3 ሺህ 500 እንዲቀንስና የአካባቢ ፖሊሶችን ቁጥር ደግሞ ወደ 640 ለመጨመር መወሰኑንም ገልጿል።

የፖሊሶቹ ቁጥር መጨመር ወንጀሎችን እና አካባቢያዊ ችግሮችን ለመከላከል ያስችላል ተብሏል።

ምክር ቤቱ በመግለጫው በአካባቢው የሚስተዋሉና በምክር ቤቱ አባላት የወጣውን ድንጋጌ የሚጥሱ አካሄዶች እንዲታረሙም አሳስቧል።

የደቡብ ሱዳን የፀጥታ ሃላፊዎች በአካባቢው የሚያደርጉት እንቅስቃሴና የዲፍራ ኦይል ፖሊስ አባላት በአብየ ግዛት መስፈርንም በመግለጫው ኮንኗል።

የፀጥታው ምክር ቤት በአብየ ግዛት ሰላም እንዲሰፍንና አካባቢውን ከወታደር እንቅስቃሴ ነጻ ለማድረግም፥ የሱዳንና ደቡብ ሱዳን ከፍተኛ ባለስልጣናት አስፈላጊውን ትብብር እንዲያደርጉ ጠይቋል።

ከዚህ ባለፈም ሁለቱ አካላት በአካባቢው ሰላምን በማስፈን በማህበረሰቡ ዘንድ እምነት እንዲፈጠር ሊሰሩ እንደሚገባም አጽንኦት ሰጥቷል።

በተመድ የሚመራው የአብየ ሰላም አስከባሪ ሃይል በፈረንጆቹ 2011 የተቋቋም ሲሆን፥ በአብየ ግዛት ያለውን እሰጥ አገባ ተከትሎ በአካባቢው ሰላም የማስፈን ተልዕኮ ላይ ተሰማርቶ ይገኛል።

 

 

 

You might also like
Comments
Loading...