Fana: At a Speed of Life!

የግንቦት ወር የነዳጅ ምርቶች የችርቻሮ መሸጫ ዋጋ ላይ ማስተካከያ ተደረገ

አዲስ አበባ፣ ሚያዚያ 29፣ 2011 (ኤፍ ቢ ሲ) የንግድ እና ኢንዱስትሪ ሚኒስቴር የግንቦት ወር የነዳጅ ምርቶች የችርቻሮ መሸጫ ዋጋ ላይ ማስተካከያ ማድረጉን አስታወቀ።

ሚኒስቴሩ ለፋና ብሮድካስቲንግ ኮርፖሬት በላከው መግለጫ ከሚያዚያ 30 ቀን እስከ ግንቦት 30 ቀን 2011 ዓ.ም ድረስ ተግባራዊ የሚሆነውን የነዳጅ ምርቶች የችርቻሮ መሸጫ ዋጋ ይፋ አድርጓል።

በተደረገው የዋጋ ክለሳ መሰረትም በአዲስ አበባ ከተማ ፡-

ቤንዚን በሊትር 20 ብር ከ19 ሳንቲም የነበረው 21 ብር ከ53 ሳንቲም

ነጭ ናፍጣ በሊትር 18 ብር ከ03 ሳንቲም የነበረው 18 ብር ከ75 ሳንቲም

ቀላል ጥቁር ናፍጣ በሊትር 15 ብር ከ66 ሳንቲም የነበረው 16 ብር ከ67 ሳንቲም

ከባድ ጥቁር ናፍጣ በሊትር 15 ብር ከ15 ሳንቲም የነበረው 16 ብር ከ24 ሳንቲም

የአውሮፕላን ነዳጅ በሊትር 20 ብር ከ62 ሳንቲም የነበረው 25 ብር ከ90 ሳንቲም

ቤኒዚን በሊትር 19 ብር ከ89 ሳንቲም የነበረው 21 ብር ከ53 ሳንቲም

ኢታኖል ድብልቅ በሊትር 19 ብር ከ89 ሳንቲም የነበረው 21 ብር ከ19 ሳንቲም

ኬሮሲን በሊትር 18 ብር ከ03 ሳንቲም የነበረው 18 ብር ከ75 ሳንቲም እንዲሆን ተወስኗል።

የተደረገውን የዋጋ ማስተካከያ በሚመለከት ሚኒስቴር መስሪያ ቤቱ የህዝብ ማስታወቂያ ያዘጋጀና በዚሁ የህዝብ ማስታወቂያ የተካተቱ ምርቶች የችርቻሮ መሸጫ ዋጋ ዝርዝር በነገው ዕለት በአዲስ ዘመን ጋዜጣ የሚታተም መሆኑን አስታውቋል።

ስለሆነም አዲሱ የዋጋ ማስተካከያ ከሚያዚያ 30 ቀን 2011 ዓ.ም ጀምሮ በሁሉም የሀገሪቱ ክልሎች በሚገኙ ማደያዎች ተግባራዊ የሚደረግ መሆኑ በመግለጫው ተመላክቷል።

You might also like
Comments
Loading...