Fana: At a Speed of Life!

የገዛውን አሮጌ አውሮፕላን ወደ መኖሪያ ቤትነት የቀየረው ግለሰብ

አዲስ አበባ፣ ሚያዚያ 30፣ 2011 (ኤፍ.ቢ.ሲ) አሜሪካዊው ግለሰብ ከአገልግሎት ውጭ የሆነ አውሮፕላን ገዝቶ ወደ መኖሪያ ቤትነት መቀየሩ ተነግሯል።

ኤሌክትሪካል ኢንጂነር የነበረው እና አሁን በጡረታ ከስራው የተገለለው ብሩስ ካምቤል የተባለ ግለሰብ ነው አሮጌ አውሮፕላኑን በመግዛት ወደ መኖሪያ ቤትነት የቀየረው ተብሏል።

ግለሰቡ የገዛውን አውሮፕላንም ጫካ መሃል ወስዶ በማስቀመጥ ወደ መኖሪያነት የቀየረ ሲሆን፥ ያስቀመጠበት ስፍራም በርካቶችን ያስገረመ መሆኑም ተነግሯል።

በርካቶች እንዳያውም ሰው እዛ የወሰደው ሳይሆን ጫካ ውስጥ የወደቀ እየመሰላቸው ግራ ሲጋቡም የስተዋላል ነው የተባለው።

በአሁኑ ወቅት ብሩስ አውሮፕላኑን ለመኖሪያነት እንዲያመች አድርጎ ሰርቶ እየኖረበት ሲሆን፥ ስራው ግን ከመኖሪያ ቤትነት በዘለለ ጎብኚዎችንም ሊስብለት ችሏል።

ምንጭ፦ easyvoyage.co.uk

You might also like
Comments
Loading...