Fana: At a Speed of Life!

የዒድ ኤግዚቢሽንና ባዛር በዛሬው ዕለት ተከፈተ  

 

አዲስ አበባ ፣ ግንቦት 15፣ 2011 (ኤፍ.ቢ.ሲ) ታላቁን የረመዳን ጾም ምክንያት በማድረግ በሃላል ፕሮሞሽን የተዘጋጀው የዒድ ኢግዚቢሽን እና ባዛር በዛሬው ዕለት በድምቀት ተከፍቷል።
የንግድ ትረዒቱን የአዲስ አበባ ንግድ ቢሮ አማካሪ አቶ መከተ አዳፈር መርቀው ከፍተውታል።
በዚህ ወቅትም ነጋዴው ዘመናዊ የንግድ ስርዓትን በመከተል ጤናማነቱ የተረጋገጠ ምርት አገልግሎት ማቅረብ እንዳለበት እና ሸማቹም ሆነ ህብረተሰቡ ህጋዊ ነጋዴዎችን ማበረታታት እንደሚገባው ተናግረዋል።
በንግድ ትረዒቱ ላይ አዳዲስ ምርቶች እና የተለያዩ የቴክኖሎጂ ውጤቶች የተገኙ ሲሆን፥ ሀይማኖታዊ ስርዓቱን በጠበቀ መልኩ የመስገጃና የአፍጥር ፕሮግራም መዘጋጀቱንም የሃላል ፕሮሞሽን ስራ አስኪያጅ አቶ ሀመዛ አረቡ ገልጸዋል።
አምና አስከፊውን የትራፊክ አደጋ በማስመልከት የግንዛቤ ስራ የተሰራ መሆኑን ያስታወሱት አቶ ሀመዛ፥ዘንድሮም ከኢፌዴሪ ሰላም ሚኒስቴር ጋር በመሆን የሰላም ባለቤት እርሶ ነዎት በሚል መሪ ቃል የተለያዩ ስራዎችን እየሰራ እንደሆነም ጠቁመዋል።
ገዢና ሻጭን እንዲሁም አዳዲስ የንግድ እና የሽርክና ዕድሎችን ይፋጥራል የተባለው የዒድ ኢግዚቢሽን እና ባዛር እስከ ግንቦት 27 ቀን 2011ዓ.ም የሚቆይ መሆኑ ተገልጿል።
የፊታችን እሁድ ግንቦት 18 ቀን በመስቀል አደባባይ የጎዳና ላይ የአፍጥር ፕሮግራም የሚካሄድ መሆኑንም አቶ ሃምዛ ተናግረዋል።
በሲሳይ ጌትነት

You might also like
Comments
Loading...