Fana: At a Speed of Life!

የውጭ ጉዳይ ሚኒስትር ዴኤታ ወ/ሮ ሂሩት በአለም ዓቀፍ የሰላም ጉባኤ ላይ እየተሳተፉ ነው

አዲስ አበባ፣ ግንቦት 6፣ 2011 (ኤፍ.ቢ.ሲ) የውጭ ጉዳይ ሚኒስትር ዴኤታ ወይዘሮ ሂሩት ዘመነ በስዊዲን ስቶኮልም እየተካሄደ ባለው አለም ዓቀፍ የሰላም ግንባታ ጉባኤ ላይ እየተሳተፉ ነው።

ወይዘሮ ሂሩት በጉባኤው “ግጭትን መከላከልና ሰላም ግንባታ” በሚል ርዕስ ዙሪያ ገለጻ ማድረጋቸውን ከውጭ ጉዳይ ሚኒስቴር ያገኘነው መረጃ ያመለክታል።

በዚህ ወቅትም በኢትዮጵያ በሰላምና ልማት ረገድ እየተካሄደ ስላለው ለውጥ ማብራሪያ ሰጥተዋል።

በሀገሪቱ ከዓመት በፊት የተካሄደው ሰላማዊ የስልጣን ሽግግር እና ሁሉን አሳታፊ ተግባራት ለሌሎችም በምሳሌነት የሚወሰዱ መሆናቸውን አንስተዋል።

ከዚህ ባለፈም ኢትዮጵያ አጋጥመዋት የነበሩትን ፈተናዎች ተሻግራ በአሁኑ ወቅት ሰላማዊ ሆና መቀጠሏን ነው ሚኒስትር ዴኤታ ወይዘሮ ሂሩት የተናገሩት።

You might also like
Comments
Loading...