Fana: At a Speed of Life!

የውጭ ጉዳይ ሚኒስትሩ ከዓለም የኢኮኖሚ ፎረም ፕሬዚዳንት ጋር ተወያዩ

አዲስ አበባ ፣ ግንቦት 7 ፣ 2011 (ኤፍ ቢ ሲ) የውጭ ጉዳይ ሚኒስትር አቶ ገዱ አንዳርጋቸው ከዓለም የኢኮኖሚ ፎረም ፕሬዚዳንት ቦርግ ብሬንደ ጋር ተወያዩ።

በጥር ወር 2011 ዓ.ም በተወሰነው መሰረት የ2020 የዓለም ኢኮኖሚ ፎረም የአፍሪካ ጉባኤን እንድታዘጋጅ መመረጧ የሚታወስ ነው።

ፎረሙ ኢትዮጵያን በመምረጡ ያላቸውን አድናቆት የገለጹት የውጭ ጉዳይ ሚኒስትሩ ለጉባኤው መሳካት ሁሉን አቀፍ ድጋፍ እንደሚያደርጉ ተናግረዋል።

የፎረሙ ፕሬዚዳንት ቦርግ ብሬንደ በበኩላቸው ኢትዮጵያ መድረኩን በብቃት እንደምታስተናግድ ያላቸውን እምነት ገልጸዋል።

ኢትዮጵያ ዝግጅቱን በምታስተናግድበት ወቅት ፎረሙ 50ኛ ዓመት የምስረታ በዓሉን እንደሚያከብር ጠቁመው ይህም ልዩ እንደሚያደርገው መናገራቸውን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመላክታል።

ፕሬዚዳንቱ ከጠቅላይ ሚኒስትር ዶክተር ዐቢይ አህመድ ጋር ጉባኤው ለማስተናገድ የሚያስችለውን የመግባቢያ ስምምነት ተፈራርመዋል።

የ2020 የዓለም ኢኮኖሚ ፎረም የአፍሪካ ጉባኤ በመስከረም ወር 2013 በአዲስ አበባ የሚካሄድ ሲሆን፥ ከ1 ሺህ በላይ ተሳታፊዎች እንደሚኖሩት ይጠበቃል።

You might also like
Comments
Loading...