Fana: At a Speed of Life!

የኢትዮጵያ ብሔራዊ ምርጫ ቦርድ ሰብሳቢ ከአውሮፓ ህብረት ተወካይ ጋር ተወያዩ

አዲስ አበባ ፣ ግንቦት 15፣ 2011 (ኤፍ.ቢ.ሲ) የኢትዮጵያ ብሔራዊ ምርጫ ቦርድ ሰብሳቢ ወይዘሪት ብርቱካን ሚደቅሳ በዛሬው ዕለት ከአውሮፓ ህብረት ተወካይና የህብረቱ አባል ሀገራት አምባሳደሮች ጋር ተወያይተዋል።

በውይይቱም የምርጫ ቦርድን አዲስ አደረጃጀት፣ የምርጫ ቦርዱን አዳዲስ የቦርድ አባላት ምልመላ፣ የምርጫ በጀትና የፋይናንስ ድጋፍ፣ የሲዳማ የክልልነት ጥያቄ ህዝበ ውሳኔ በተመለከት ማብራሪያ እንዲሰጥባቸው አምባሳደሮቹ ጠይቀዋል።

እንዲሁም የቤትና የህዝብ ቆጠራ መራዘም እና ከምርጫ ጋር ያለውን ግንኙነት፣ የተፈናቀሉ ዜጎች እና የመምረጥ መብቶቻቸውን፣ የሴቶችን የምርጫ ተሳትፎ የመሳሰሉት ጉዳዮች ላይ ከአምባሳደሮቹ ለተነሱላቸው ጥያቄዎች ማብራሪያ መስጠታቸውን ከብሔራዊ ምርጫ ቦርድ ያገኘነው መረጃ ያመላክታል።

በውይይቱም የአውሮፓ ህብረትም ሆነ የህብረቱ አባል ሀገራት ቦርዱን ተአማኒ እና ብቃት ያለው ተቋም ለማድረግና መጪው ምርጫ አለም አቀፍ ደረጃ የጠበቀ እንዲሆን የሚደረገውን ጥረት ሙሉ በሙሉ እንደሚደግፉ አረጋግጠዋል።

You might also like
Comments
Loading...