Fana: At a Speed of Life!

የአዲስ አበባ ወጣቶች የኢድ አልፈጥር ምክንያት በማድረግ የአዲስ አበባ ስታዲየም ያፀዳሉ

አዲስ አበባ፣ ግንቦት 23፣ 2011 (ኤፍ.ቢ.ሲ) የአዲስ አበባ ወጣቶች የኢድ አልፈጥር በዓልን ምክንያት በማድረግ “ኢድ ሶላት” የሚሰገድበትን የአዲስ አበባ ስታዲየምና አካባቢውን እንደሚያፀዱ ተነግሯል፡፡

በመጭው ሰኞ የኢድ አልፈጥር በዓልን አስመልክቶ ህዝበ ሙስሊሙ ኢድ ሶላት የየሚሰገድበትን የአዲስ አበባ ስታዲየምንና አካባቢውን የከተማዋን ወጣቶች በማስተባበር የፅዳት ኘሮግራም እንደሚያከናውኑ የአዲስ አበባ ወጣት አደረጃጀት አመራሮች ዛሬ በፅህፈት ቤታቸው በሰጡት ጋዜጣዊ መግለጫ አስተውቀዋል፡፡

ወጣት ተይባ ሎና እንደገለፀችው፥ “ይህንን ፅዳት ስናከናውን ኢትዮጵያውያን አንዳችን ለሌላችን ያለንን አክብሮትና ፍቅር እንዲሁም ወንድማዊ ስሜት የምንገልፅበት ብሎም ለትውልዱም አስተማሪ መልዕክት የምናስተላልፍበት ነው” በማለት አብራርታለች።

You might also like
Comments
Loading...