Fana: At a Speed of Life!

የአውሮፓ ህብረት የምስራቅ አፍሪካ የሰላምና የልማት ጉባኤውን በአዲስ አበባ ሊያካሂድ ነው

አዲስ አበባ፣ ሚያዚያ 28፣ 2011 (ኤፍ.ቢ.ሲ) የአውሮፓ ህብረት የምስራቅ አፍሪካ የሰላምና የልማት ጉባኤውን በአዲስ አበባ ሊያካሂድ ነው።

ጉባኤው በዓለም ባንክና በኢትዮጵያ መንግስት አዘጋጅነት በአውሮፓዊያኑ ሃምሌ ወር 2019 በአዲስ አበባ ከተማ ይካሄዳል ተብሏል።

ጉባዔው በቀጠናው ሀገራት የሃይል፣ ትራንስፖርት መሰረተ ልማቶች፣ ንግድ ትስስር፣ የፋይናንስ ተቋማት እድገትና የሰው ሀብት ልማት ላይ ትኩረቱን እንደሚደርግም ተገልጿል።

በኢትዮጵያ፣ ኤርትራና ሶማሊያ መካከል ያለው የሶስትዮሽ ግንኙነት እየተጠናከረ ባለበትና ለሌሎች የቀጠናው ሀገራት መጠናከር ተስፋ በተጣለበት ወቅት የሚካሄድ እንደሆነም ነው የተገለጸው፡፡

የቀጠናው ሀገራትን ሰላምና አንድነት የበለጠ ለማጠናከር በፖለቲካዊና አስተዳዳረዊ ጉዳዮች ዙሪያ ብቻ ሳይሆን ሀገራቱ የኢኮኖሚው ዘርፍ ላይ ትኩረት አድርገው በጋራ መስራት እንደሚገባቸው ዘገባው ያስረዳል፡፡

ምንጭ፡- ሲ.ጂ.ቲ.ኤን

You might also like
Comments
Loading...