Fana: At a Speed of Life!

የአሜሪካ ጦር በሶማሊያ በወሰደው እርምጃ አራት አሸባሪዎችን መግደሉን አስታወቀ

አዲስ አባባ፣ ግንቦት 4፣ 2011 (ኤፍ.ቢ.ሲ) የአሜሪካ ጦር በሶማሊያ በፈፀመው የአየር ጥቃት አራት አሸባሪዎችን መግደሉን አስታውቋል።

በሶማሊያ የሚገኘውን የአሸባሪው አይ ኤስ ክንፍ ለመምታት ኢላማ ያደረገው የአየር ድብደባ ባሳለፍነው ሀሙስ በጎሊስ ተራራዎች አካባቢ መፈፀሙም ተነግሯል።

አሸባሪው አይ ኤስ በሶማሊያ ፑንት ላንድ አካባቢ የተለያዩ ልምምዶችን እያደረገ መሆኑን የተገኘ መረጃ ላይ ተመስርቶ የአየር ጥቃቱ መፈፀሙንም ጦሩ አስታውቋል።

በተወሰደው እርምጃም በንጹሃን ዜጎች ላይ የመቁሰልም ይሁን የሞት አደጋ አለመድረሱንም ገልጿል።

በሶማሊያ በሚንቀሳቀሰው አሸባሪው የኢስላሚክ ስቴት (አይ ኤስ) ቡድን ላይ የአየር ላይ ጥቃት ሲፈፀም ካሳለፍነው ሚያዝያ ወቀር ወዲህ ለ4ኛ ጊዜ መሆኑም ተነግሯል።

ምንጭ፦ africa.cgtn.com

You might also like
Comments
Loading...