Fana: At a Speed of Life!

የኔዘርላንድስ ንግስት ማክሲማ በኢትዮጵያ ይፋዊ የስራ ጉብኝት እያደረጉ ነው

አዲስ አባባ፣ ግንቦት 6፣ 2011 (ኤፍ.ቢ.ሲ) የኔዘርላንድስ ንግስት ማክሲማ በኢትዮጵያ ይፋዊ የስራ ጉብኝት በማድረግ ላይ ይገኛሉ።

ንግስት ማክሲማ በኢትዮጵያ የሁለት ቀን ይፋዊ የስራ ጉብኝት ለማድረግ ነው ወደ አዲስ አበባ የመጡት።

የኔዘርላንድስ ንግስት ማክሲማ በኢትዮጵያ ጉብኝት የሚያደርጉት የተባበሩት መንግስታት ድርጅት ዋና ፀሃፊ የአካታች ፋይናንስ ልማት ውስጥ ባላቸው የአምባሳደርነት ሚና ነው።

በኢትዮጵያ የሚያደርጉትን ይፋዊ የስራ ጉብኝት ዛሬ የጀመሩት ንግስት ማክሲማ በአዲስ አበባ የሚገኙ የተባበሩት መንግስታት ድርጅት መስሪያ ቤቶችን ጎብኝተዋል።

በተጨማሪም ከተመድ የልማት አጋሮች እና ከግሉ ዘርፍ ተወካዮች ጋር ተገናኝተውም በመወያየት ላይ ይገኛሉ።

ንግስት ማክሲማ ቆይታቸውም ከከፍተኛ የመንግስት የስራ ሀላፊዎች ጋር ተገናኝተው እንደሚወያዩ ይጠበቃል።

ንግስት ማክሲማ ከኢትዮጵያ አርሶ አደሮች ጋርም ተገናኝተው ይመክራለኩ የተባለ ሲሆን፥ በውይይታቸውም አርሶ አደሮች አዲስ የቢዝነስ ሞዴል መከተል በሚችሉበትና በፋብሪካዎች ውስጥ የአክሲዮን ባለድርሻ እንዴት መሆን ይችላሉ የሚለው ላይ እንደሚወያዩም ተነግሯል።

የኔዘርላንድስ ንግስት ማክሲማ ባሳለፍነው ጥር ወር በስዊዘርላንድ ዳቮስ በተካሄደው የዓለም ኢኮኖሚክ ፎረም ላይ ከጠቅላይ ሚኒስትር ዶክተር አብይ አህመድ ጋር ተገናኘትው ነበር።

እንዲሁም እንደ አውሮፓውያኑ አቆጣጠር በ2013 በኢትዮጵያ ይፋዊ የስራ ጉብኝት አድርገው እንደነበረም ይታወሳል።

ንግስት ማክሲማ እንደ አውሮፓውያኑ አቆጣጠር ከ2009 ጀምሮ የተባበሩት መንግስታት ድርጅት ዋና ፀሃፊ የአካታች ፋይናንስ ልማት አምባሳደር በመሆን በማገልገል ላይ ይገኛሉ።

You might also like
Comments
Loading...