Fana: At a Speed of Life!

የቬንዙዌላ መንግስትና ተቃዋሚዎች በኖርዌይ ሊወያዩ ነው

አዲስ አበባ፣ ግንቦት 8፣ 2011 (ኤፍ.ቢ.ሲ) የቬንዙዌላ መንግስትና የተቃዋሚ አመራሮች በሀገሪቱ በተከሰተው ቀውስ ዙሪያ በኖርዌይ ሊመክሩ ነው።

በውይይቱ ለመሳተፍም ከሀገሪቱ መንግስትና ከተቃዋሚዎች የተውጣጡ ተወካዮች ወደ ኖርዌይ ኦስሎ ማቅናታቸው ተነግሯል።

ልዑካኑ ወደ ኦስሎ ያቀኑትም በኖርዌይ መንግስት በቀረበላቸው የተናጠል ግብዣ መሰረት  ነው ተብሏል።

ከመንግስት በኩል ወደ ቦታው ከተላኩት ተሳታፊዎች መካከልም የሀገሪቱ የኢንፎርሜሽን ሚኒስትር ጆርጅ ሮድሪገዝ አንዱ መሆናቸው ተገልጿል።

ልዑካኑ በኖርዌይ በሚኖራቸው ቆይታም በቬንዙዌላ ያለውን የፖለቲካ ቀውስ መፍታት በሚቻልበት ሁኔታ ላይ ይመክራሉ ተብሎ ይጠበቃል።

የቬኒዙዌላ ተቃዋሚ መሪ ሁዋን ጓይዶ እራሳቸውን የሀገሪቱ  የሽግግር መንግስት አድርገው በመሾማቸው ምክንያት ከወቅቱ ፕሬዚዳንት ኒኮላስ ማዶሮ ጋር  አለመግባባት ውስጥ መግባታቸው ይታወሳል።

ይህንንም ተከትሎ በቬንዙዌላ በተከሰተው ቀውስም የሀገሪቱ ዜጎች ለተለያዩ ኢኮኖሚያዊና ፖለቲካዊ ችግሮች መዳረጋቸውን መረጃዎች ያሳያሉ።

ምንጭ፦አልጀዚራ

You might also like
Comments
Loading...