Fana: At a Speed of Life!

የብሪታኒያ ቀጣይ ጠቅላይ ሚኒስትር ለመሆን ፉክክሩ ተጀምሯል

አዲስ አበባ ፣ ግንቦት 17፣ 2011 (ኤፍ.ቢ.ሲ) የብሪታኒያ ጠቅላይ ሚኒስትር ቴሬዛ ሜይ የፊታችን በቀጣዩ የፈረንጆቹ ወር ስልጣን እንደሚለቁ ማስታወቃቸውን ተከትሎ ወግ አጥባቂዎች በይፋ ለቦታው መፎካከር ጀምረዋል።

የወግ አጥባቂ ፓርቲ መሪ የሀገሪቱ ጠቅላይ ሚኒስትርነት ስፍራን የሚይዝ እንደመሆኑ የተለያዩ ሰዎች የፓርቲው መሪ ለመሆን እንደሚወዳደሩ አስታውቀዋል።

እስካሁንም የውጭ ጉዳይ ሚኒሰትሩ ጀረሚ ሃንት፣ የዓለም አቀፍ ትብብር ሚኒስትር ሮሪ ስቴዋርት፣ የቀድሞ የውጭ ጉዳይ ሚኒስትር ቦሪስ ጆንሰን እና የቀድሞ የስራ እና የጡረታ ሚኒስትር ኢስቴር ማክቬይ ለቦታው እንደሚወዳደሩ ይፋ አድርገዋል።

ፍላጎቱ ያላቸው በርከት ያሉ ሰዎችም ሊኖሩ እንደሚችሉ ከወዲሁ እየተነገረ ይገኛል።

በፈረንጆቹ ሀምሌ ወር ላይም ምርጫው ይከናወናል ተብሏል።

የወግ አጥባቂ ፓርቲ በቀጥታ ጠቅላይ ሚኒስትር እንደሚሆን የተረጋገጠን ሰው ለመሪነት ሲመርጡ ይህም የመጀመሪያው መሆኑ ነው የተነገረው።

 

ምንጭ፦ ቢቢሲ

 

You might also like
Comments
Loading...