Fana: At a Speed of Life!

የብሄራዊ ምርጫ ቦርድ የእጩ ቦርድ አባላት የመጠቆሚያ መስፈርትና መርሀ ግብር ይፋ ሆነ

አዲስ አበባ ፣ ግንቦት 13 ፣ 2011 (ኤፍ ቢ ሲ) የብሄራዊ ምርጫ ቦርድ የእጩ ቦርድ አባላት የመጠቆሚያ መስፈርትና መርሀ ግብር ይፋ ሆነ።

የእጩ የስራ አመራር መልማይ ኮሚቴ በሰጠው መግለጫ እጩ የቦርድ አባላቱን እስከ ግንቦት 22 ቀን 2011 ዓ.ም ድረስ መጠቆም ይቻላል ብሏል።

የኮሚቴው ሰብሳቢ ዶክተር መሸሻ ሸዋረግ እንዳሉት ጠቋሚዎች የቦርድ አባላት እጩዎችን መስፈርቱን መሰረት አድርገው መጠቆም አለባቸው።

ይህም በዜግነት ኢትዮጰያዊና ከማንኛውም የፖለቲካ ተሳትፎ ገለልተኛ የሆኑ፣ የሙያ ብቃታቸው የተመሰከረላቸውና መልካም ስነ ምግባር ያላቸው መሆን አለባቸውም ነው ያሉት።

ከዚህ ባለፈም ፈቃደኛነትና ታማኝነት ዋነኛ መስፈርቶች መሆናቸውንም በመግለጫቸው አንስተዋል።

ጥቆማውን በኢ-ሜልና ደብዳቤ ማቅረብ የሚቻል ሲሆን፥ መልማይ ኮሚቴው ጥቆማው ሲጠናቀቅ ለጠቅላይ ሚኒስትሩ የሚያቀርብ ይሆናል።

የሚመረጡት እጩ የቦርድ አባላት ብዛት 5 መሆናቸውም በመግለጫው ተጠቅሷል።

ለጥቆማ፤ ኢ- ሜል nbe2019@gmail.com

ስልክ – 011 515 90 74/ 011 551 93 64

ፋክስ – 011 551 26 43

ፖስታ ሳጥን ቁጥር – 195 አዲስ አበባ

ከዚህ ባለፈም በአካል ቀይ መስቀል ራስ ደስታ ዳምጠው መንገድ ጋንዲ ሆስፒታል አጠገብ በማህበሩ ዋና ፀሃፊ ቢሮ በተዘጋጀው ዝግ ሳጥን ውስጥ ምርጫቸውን ማስቀመጥ ይችላሉ።

 

 

 

 

በሃይለየሱስ መኮንን

You might also like
Comments
Loading...