Fana: At a Speed of Life!

የቤት ዕቃዎችን ፀሃይ ላይ አስቀምጠሻል በሚል ዛፍ ጋር የታሰረችው የቤት ሰራተኛ ጉዳይ ቁጣን ቀስቅሷል

አዲስ አበባ፣ ግንቦት 9፣ 2011 (ኤፍ.ቢ.ሲ) በሳዑዲ ዓረቢያ የቤት ሰራተኛዋ ውድ የሆኑ የቤት ዕቃዎችን ፀሃይ ላይ አስቀምጠሻል በሚል በአሰሪዎቿ ለቅጣት ዛፍ ጋር መታሰሯ ቁጣን ቀስቅሷል።

አሰሪዎቹ ፊሊፒንሳዊቷን የቤት ሰራተኛ ውድ የቤት እቃወቻችንን ፀሃይ አስመትተሻል በሚል ነበር ረዘም ላለ ሰዓት በጠራራ ፀሃይ ዛፍ ጋር ያሰሯት።

ለዚህ ምክንያታቸው ደግሞ እቃዎቹ ለፀሃይ በመጋለጣቸው ሳቢያ ለብልሽት ተዳርገዋል የሚል ነው።

ይህን የሚያሳይ ምስል በማህበራዊ ትስስር ገጾች ላይ መውጣቱን ተከትሎም በሳዑዲ በሚገኙና ከተለያዩ ሀገራት የመጡ ሰራተኞች ዘንድ ቁጣን መቀስቀሱ ተነግሯል።

የፊሊፒንስ የውጭ ጉዳይ ሚኒስቴር በበኩሉ ድርጊቱን ያወገዘ ሲሆን፥ ልጅቷ ያለችበትን ሁኔታ ግምት ውስጥ በማስገባት ትኩረት ሰጥቶ መንቀሳቀሱንም አስታውቋል።

ለዚህ ጋር ተያይዞም በአሁኑ ወቅት ልጅቷ በሰላም ወደ ሀገሯ እንድትመለስ መደረጉ ነው የተገለፀው።

ወጣቷ ከነበረችበት ችግር በሰላም እንድትወጣ የበኩላቸውን አስተዋፅኦ ላበረከቱ አካላት ምስጋና አቅርባለች።
በተለይም ምስሉን በማህበራዊ ሚዲያ ላይ ለለቀቀችው ወጣት ትልቅ አክብሮት አለኝ ያለችው ወጣቷ፥ ይሁን እንጂ የደህንነቷ ጉዳይ እንደሚያሳስባት ገልጻለች።

ሳዑዲ ዓረቢያን ጨምሮ በተለያዩ የዓረብ ሃገራት ከተለያዩ ሃገራት በቤት ሰራተኝነት ለማገልገል በሚሄዱ ዜጎች ላይ የተለያዩ ሰብዓዊ መብት ጥሰቶች ይፈጸማሉ በሚል ተደጋጋሚ ወቀሳ ይቀርባል።

ምንጭ ፦ኦዲቲ ሴንትራል

You might also like
Comments
Loading...