Fana: At a Speed of Life!

የቀድሞው ጠ/ሚ ሀይለማሪያም ደሳለኝ የጃፓን ብሄራዊ የኒሻን ሽልማት ሊበረከትላቸው ነው

አዲስ አበባ፣ ግንቦት 13፣ 2011 (ኤፍ.ቢ.ሲ) የቀድሞው የኢፌዴሪ ጠቅላይ ሚኒስትር ሀይለማሪያም ደሳለኝ የጃፓን ብሄራዊ የኒሻን የክብር ሽልማት ሊበረከትላቸው ነው።
 
የቀድሞ ጠቅላይ ሚኒስትር ሀይለማሪያም በኢትዮጵያና ጃፓን ግንኙነት ላይ ላበረከቱት በጎ አስተዋፅኦ ነው ሽልማቱ እንደሚበረከትላቸው በኢትዮጵያ የጃፓን ኤምባሲ ለፋና ብሮድካስቲንግ ኮርፖሬት በላከው መግለጫ ጠቁሟል።
 
ይህ የፀደይ ንጉሳዊ ሽልማት በመባል የሚታወቀው ሽልማት ጃፓናዊያንን ጨምሮ የተለያየ ሀገር ዜግነት ያላቸው ግለሰቦች በየአመቱ የሚበረከትላቸው ነው።
 
በዘንድሮው ዓመትም የአሜሪካ የቀድሞ መከላከያ ሚኒስትሮችን ጨምሮ ለ142 የውጭ ሀገራት ዜጎች ይህ የጃፓን የክብር ሽልማት ይበረከትላቸዋል።
 
በፈረንጆቹ 1875 በንጉስ ሜጂ የተጀመረው ይህ የጃፓን የክብር የኒሻን ሽልማት በ2003 በአዲስ መልኩ ተሻሽሎ ጃፓን በጎ አስተዋፅኦ አበርክተዋል ላለቻቸው አካላት በመስጠት ላይ ትገኛለች።
 
ሽልማቱ የሀገሪቱ ንጉስ እና ጠቅላይ ሚኒስትር ሼንዞ አቤ በተገኙበት በመጪው ሀሙስ ይበረከታል ተብሎ ይጠበቃል።
You might also like
Comments
Loading...