Fana: At a Speed of Life!

የሶማሌ፣ ሀረሪና አፋር ክልሎች ርዕሰ መስተዳሮች የተሳተፉበት የጽዳት ዘመቻ በሀረሪ ተካሄደ

አዲስ አበባ፣ ግንቦት 11፣ 2011 (ኤፍ ቢ ሲ) የሶማሌ ክልል ምክትል ርዕሰ መስተዳድር አቶ ሙስጠፌ ኡመር፣ የሀረሪ ክልል ርዕሰ መስተዳድር አቶ ኦርዲን በድሪ እና የአፋር ክልል ርዕሰ መስተዳድር አቶ አወል አርባ የተሳተፉበት የፅዳት ዘመቻ በሀረሪ ተካሂዷል፡፡
 
የሐረሪ ክልል ርዕሰ መስተዳድር አቶ ኦርዲን በድሪ የጽዳት ዘመቻው ዋና ዓላማ የጥላቻ አስተሳሰብን ወደ ጎን በመተው ቆሻሻንና መጥፎ አመለካከትን በማስወገድ አንድነትን መፍጠር በማስፈለጉ ነው ብለዋል፡፡
 
“እኔ ብቻ” የሚል አመለካከትን ለማስወገድና በህዝቦች መካከል ቅራኔ ለመፍጠር የሚሯሯጡ ቡድኖችንና የብሔር ነጋዴዎችን አንድ በመሆንና በመቀራረብ ልንታገላቸው ይገባል ነው ያሉት።
 
ደግሞ የሶማሌ ክልል ምክትል ርዕሰ መስተዳድር አቶ ሙስጠፌ ኡመር በበኩላቸው ለሀገር እድገትና ሰላም የማይበጅ ቆሻሻ አስተሳሰብን አስወግደን የህዝብ ለህዝብ ግንኙነታችንንን ለማጣናከር ይረዳናል ብለዋል፡፡
 
ምክትል ርዕሰ መስተዳድሩ ቂምና ጥላቻን አስወግደን ንጹህ ልቦና ለመያዝና ፍቅርና ሰላም እንዲሰፍን ዘመቻው ትልቅ መልዕክት ያለው በመሆኑንም ተናግረዋል፡፡
 
የአፋር ክልል ርዕሰ መስተዳድር አቶ አወል አርባ በበኩላቸው ለሰው ልጅ መሰረታዊ ከሆኑት ነገሮች መካከል ጽዳት አንዱ ነው መሆኑን በመጥቀስ ቆሻሻን ማጽዳት የማይበጅ አመለካከትን በማስወገድ ወደ ተሻለ ደረጃ ለመድረስ እንደሚያስችል ጠቁመዋል፡፡
 
አካባቢ ሲፀዳ የሰው ልጅ ይደሰታል፤ ጤናማ ህብረተሰብም ይፈጠራል፤ በዚህም የተለያዩ አመለካከቶች ያላቸው በቀላሉ ወደ አንድ ማምጣት ያስችላል በመሆኑም እንደዚህ አይነት ነገሮችን ማጠናከር ይገባል ሲሉ ተናግረዋል።
 
ቆሻሻ አመለካከት ይዞ በጎ ነገር ማሰብ አይቻልም ያሉት የኦሮምያ ክልል ገቢዎች ባለስልጣን ሃላፊ ወይዘሮ ጫልቱ ሳኒ ንጹህ አመለካከት ማጎልበት ለአገርም ሆነ ለዜጎች ጠቀሜታው የጎላ በመሆኑ ማበልጸግ እንደሚገባ መናገራቸውን ከሀረሪ ኮሙኒኬሽን ጉዳዮች ፅህፈት ቤት ያገኘነው መረጃ ያመለክታል፡፡
You might also like
Comments
Loading...