Fana: At a Speed of Life!

የስራ ጭንቀት፣ የደም ግፊትና የእንቅልፍ እጦት የሞት ተጋላጭነትን ከፍ እንደሚያደርጉ ተገለፀ

አዲስ አበባ፣ ሚያዚያ 30፣ 2011 (ኤፍ.ቢ.ሲ) በስራ ምክንያት የሚመጣ ጭንቀት፣ ከፍተኛ የሆነ የደም ግፊት እና ጤናማ ያልሆነ እንቅልፍ (የእንቅልፍ እጦት) ቶሎ ለሞት የመጋለጥ እድልን ከፍ እንደሚያደርጉ ተገልጿል።

ይህንን ያስታወቁት የጀርመን ተመራማሪዎች ባወጡት ሪፖርት ሲሆን፥ ለ18 ዓመታት ያካሄዱት ጥናት ላይ ተመርኩዘው ሪፖርቱን ማውጣታቸውም ተነግሯል።

ተመራማሪዎቹ በ2 ሺህ ሰዎች ላይ ጥናት ያደረጉ ሲሆን፥ በጥናታቸው ውስጥም ለደም ግፊት የተጋለጡ ሰዎችን ለይተው ተመልክተዋል።

በዚህም የደም ግፊት እያለባቸው ለከፍተኛ የስራ ጭንቀት የተጋለጡ እና የተዛባ የእንቅልፍ የሚተኙ ሰዎች ቶሎ የመሞት እድላቸው በ3 እጥፍ ጨምሮ መታየቱን አስታውቀዋል።

እንደ ተመራማሪዎቹ ገለፃ ከፍተኛ የሆነ የደም ግፊት እያለባቸው ለጭንቀት የተጋለጡ ሰዎች በልብ ህመም የመሞት እድላቸው ከፍተኛ ነው።

እንዲሁም በቂ እና የተስተካከለ እንቅልፍ የማይተኙት ላይም ውጤቱ ተመሳሳይ ነው ብለዋል።

ተመራማሪዎቹ እንደገለጹት፥ እንቅልፍ ራሳችንን የምናሳርፍበት እና አዲስ ሀይል የምናገኝበት እንዲሁም በስራ የሚከሰት ጭንቀትን ለመገላገል ይረዳል።

ሰዎች ያለ ጊዜ የሚከሰተውን ሞት ለመከላከልም በተቻላቸው አቅም የደም ግፊታቸውን መጠን የተስተካከለ ማድረግ፣ በቂ እንቅልፍ የመተኛት ልምድ ማዳበር እና በተቻለ መጠን ጭንቀተን ለመገላገል የሚረዱ መንገዶችን ቢጠቀሙ መልካም ነው ሲሉም ተመራማሪዎቹ መክረዋል።

አሰሪዎችም ሰራተኞቻቸው ለጭንቀት እንዳይጋለጡ የሚረዱ ስልጠናዎቸን በመስጠት እና በስራ ቦታ ላይ በመሃል እንቅልፍ መተኛት የሚችሉበትን ስፍራ በሚመቻቹ እንደሚጠቀሙም አመላክተዋል።

ምንጭ፦ www.upi.com

You might also like
Comments
Loading...