Fana: At a Speed of Life!

የሰዎችን የእጅ ጽሁፍ የሚያስመስል ሮቦት ተሰራ

አዲስ አባባ፣ ግንቦት 5፣ 2011 (ኤፍ.ቢ.ሲ) በብሪታንያ የሰዎችን የእጅ ጽሑፍ በማስመሰል የሚጽፍ ሮቦት መሰራቱ ተነገረ።

ተንቀሳቃሽ ምስሎች እንዳሳዩት ከሆነ ሮቦቱ በተሰራለት ቀመር መሰረት የሰዎችን የእጅ ጽሑፍ እያንዳንዱ አጣጣል በመገልበጥ መጻፍ ይችላል ተብሏል።

ይህ ሄሚንግዌ በመባል የተሰኘው ሮቦት ጽሁፎቹን ለመገልበጥ መጀመሪያ የግለሰቦችን ጽሁፍ መበቀበል ነው የሚያመሳስለው።

ሄሚንግዌይን የፈጠረው ኩባንያ እንደገለጸው ከሆነ በእጅ የተጻፉት ደብዳቤዎች ለድርጅቶች ለፖለቲካ ፓርቲዎች እንዲሁም ለሰርግ የሚሆን የጥሪ ካርዶችን ለመጻፍ እንደሚጠቀሙበት ገልጸዋል።

የቢቢሲው ጋዜጠኛ ኦማር ሚህታብ ለ15 ደቂቃዎች ያህል የጻፈውን ጽሁፍ ሄሚንግዌይ በሁለት ደቂቃዎች ውስጥ ጽፎ ማጠናቀቅ መቻሉን በተንቀሳቃሽ ምስሎች አሳይቷል።

ሚህታብ የጽሁፍ አጣጣል የሚያጠኑ ግራፎሎጂስት ጋር በመሄድ እንዳረጋገጠው ከሆነ አስተውሎ ለሚመለከተው ልዩነት እንዳለው ገልጸውለታል።

በተለይም በሆሄያቱ መካከል ያለው ክፍተት ሄሚንግዌይ በተጠናና በተስተካከለ መልኩ ሲያስቀምጥ ሰዎች በአንጻሩ በዛ መልኩ እንደማያስቀምጡ ባለሙያዎቹ ተናግረዋል።

ምንጭ፦ቢቢሲ

You might also like
Comments
Loading...