Fana: At a Speed of Life!

የምርጫ ቦርድ የለውጥ ሰራዊት ግንባታን በማጠናከር የአገልግሎት አሰጣጡን ዘመናዊ ማድረግ እንዳለበት ተገለጸ

አዲስ አበባ፣ ግንቦት 7፣ 2011 (ኤፍ.ቢ.ሲ) የምርጫ ቦርድ የለውጥ ሰራዊት ግንባታን በማጠናከር የለውጥ መሳሪያዎችን በመተግበር የአገልግሎት አሰጣጡን ዘመናዊ ማድረግ እንዳለበት ተገለጸ።

ይህ የተባለው የኢትዮጵያ ብሔራዊ ምርጫ ቦርድ የ2011 ዓም የ9 ወራት እቅድ አፈጻጻም ሪፖርቱን ለህዝብ ተወካዩች ምክር ቤት የህግና ፍትህ ዴሞክራሲ ጉዳዩች ቋሚ ኮሜቴ  ባቀረበበት ጊዜ ነው።

ቦርዱ የስነ ዜጋ እና የመራጮችን የግንዛቤ ማስጨበጫ ትምህርት ለሁሉም የህብረተሰብ ክፍል እንደ ባህሉ እና እንደ ቋንቋው ለመስጠት መዘጋጀቱን ለምክር ቤቱ አቅርቧል።

በቦርዱ ቀርበው የተመዘገቡ ፓርቲዎች ብዛት 66 ቢሆኑም 16ቱ ብቻ ናቸው ሙሉ በሙሉ መስፈርቱን አሟልተው የተመዘገቡት ተብሏል።

ቦርዱ አዲስ ህግ በማውጣት ሁሉም የህብረተሰብ ክፍሎች ተሳትፏቸው እንዲጨምር እያደረገ እንደሚገኝም ለቋሚ ኮሜቴ  አስታውቋል።

ፓርቲዎች ያሉባቸውን ችግሮች ተቀራርቦ በመነጋገር የሚያጋጥሙ ችግሮችን ለመቅረፍ ዝግጅት መደረጉንም የምርጫ ቦርድ ኃላፊ ብርትኳን ሚደቅሳ አስታውቀዋል።

ለቀጣይ ምርጫ ቁሳቁሶችን በራሱ የሰው ኃይል ለማዘጋጀት ጥረት እያደረገ እንደሚገኝም ገልጸዋል።

በህዝቡ ዘንድ ምርጫው ታማኝ እና ነጻ ገለልተኛ ዓለም አቀፍ ደረጃውን ለማስጠበቅ የህዝቡን የምርጫ ውጤት እንዲከበር የሚያደርግ ስርዓት ለመዘረጋት ቦርዱ አዲስ ሪፎርም እየሰራ እንደሆነም ለቋሚ ኮሜቴው አስታውቋል።

 

በሲሳይ ጌትነት

 

 

You might also like
Comments
Loading...