Fana: At a Speed of Life!

የሚኒስትሮች ምክር ቤት የሽብር ወንጀልን ለመከላከልና ለመቆጣጠር የተዘጋጀውን ረቂቅ አዋጅ ለተወካዮች ምክር ቤት መራ

አዲስ አበባ ፣ ግንቦት 12 ፣ 2011 (ኤፍ ቢ ሲ) የሚኒስትሮች ምክር ቤት የሽብር ወንጀልን ለመከላከልና ለመቆጣጠር በተዘጋጀው ረቂቅ አዋጅ ላይ በዝርዝር ከተወያየ በኋላ ማሻሻያዎችን በማከል ይፀድቅ ዘንድ ለህዝብ ተወካዮች ምክር ቤት መርቶታል።

ምክር ቤቱ ከትናንት በስቲያ ባካሄደው 68ኛ መደበኛ ስብሰባ በተለያዩ አጀንዳዎች ላይ ተወያይቶ ውሳኔዎችን አሳልፏል።

በዚህም የሽብር ወንጀልን ለመከላከልና ለመቆጣጠር በተዘጋጀው ረቂቅ አዋጅ ላይ በዝርዝር ከተወያየ በኋላ ማሻሻያዎችን በማከል ይፀድቅ ዘንድ ለህዝብ ተወካዮች ምክር ቤት መርቶታል፡፡

ከዚህ ባለፈም ምክር ቤቱ የተጨማሪ እሴት ታክስ አዋጅን ለማሻሻል ተዘጋጅቶ በቀረበ ረቂቅ አዋጅ ላይ ከተወያየ በኋላ አንዳንድ ማስተካከያዎችን በመጨመር እንዲፀድቅ ለህዝብ ተወካዮች ምክር ቤት አስተላልፏል።

በተጨማሪም በማዕድንና ነዳጅ ሚኒስቴር ተዘጋጅተው በቀረቡ ሶስት ከፍተኛ ደረጃ የማዕድን ማምረት ስምምነት ፈቃዶች ላይ ከተወያየ በኋላ ስምምነቶቹ በስራ ላይ እንዲውሉ መወሰኑን ከጠቅላይ ሚኒስትር ጽህፈት ቤት ያገኘነው መረጃ ያመላክታል።

You might also like
Comments
Loading...