Fana: At a Speed of Life!

የመድሃኒት አቅርቦት ኤጀንሲ 300 የአልትራሳውንድና 50 ዘመናዊ የራጅ ማሽኖችን ግዢ ፈፀመ

አዲስ አበባ፣ ግንቦት 8፣ 2011 (ኤፍ.ቢ.ሲ) የመድሃኒት አቅርቦት ኤጀንሲ 300 የአልትራሳውንድና 50 ዘመናዊ የራጅ ማሽኖችን ግዢ መፈፀሙን አስታወቀ።

ግዢ መፈፀሙን ተከትሎም የአልትራሳውድ ማሽኖችን በሀገር አቀፍ ደረጃ ለጤና ጣቢያዎች እና ለመጀመሪያ ደረጃ ሆስፒታሎች፤ የራጅ ማሽኖችን ደግሞ ለመጀመሪያ ደረጃ ሆስፒታሎች ለማሰራጨት ቅደመ ዝግጅት መጠናቀቁ ተገልጿል።

የማሽኖቹ ግዢ የተፈፀመበት የማዕቀፍ ስምምነት የሁለት ዓመት የጥገና ውል ያካተተ መሆኑን ከጤና ሚኒስቴር ድረ ገፅ ያገኘነው መረጃ ያመላክታል።

ይህም የሀገሪቱን የመጀመሪያ ደረጃ ጤና ክብካቤ አሀድ የህክምና አገልግሎት የሚያሻሽል መሆኑ ነው የተገለፀው።

You might also like
Comments
Loading...