Fana: At a Speed of Life!

የህዋዌ መስራች ቻይና አፕልን የሚጎዳ እንቅስቃሴ ውስጥ መግባት የለባትም አሉ

አዲስ አበባ፣ ግንቦት 19፣ 2011 (ኤፍቢሲ) የህዋዌ መስራችና ዋና ኃላፊ የሆኑት ሬን ዘንፊን ቻይና የአፕል ኩባንያን የንግድ ሁኔታ የሚጎዳ እንቅስቃሴ ውስጥ መግባት እንደሌለባት ገለጹ።

የኩባንያው መስራች ከብሉምበርግ ጋር ባደረጉት ቆይታ ቤጂንግ የአፕልን ምርት ላለመጠቀም ዘመቻ መጀመሯን ጠቅሰውላቸዋል።

መስራቹም የአፕል ምርትን ላለመጠቀም የሚደረግ የትኛውንም እንቅስቃሴ እንደሚቃወሙ ገልጸው፥ “እንዲዚህ ዓይነት እንቅስቃሴ አይጀመርም ከተጀመረም እኔ የመጀመሪያው ተቃዋሚ ነኝ” ብለዋል።

ኩባንያቸው በአሜሪካ ፕሬዚዳንት እገዳ የተጣለበት ሲሆን፥ ቻይናም ተመሳሳይ እንቅስቃሴ ውስጥ እየገባች ስለመሆኑ ይነገራል።

ሆኖም ሬን “አፕል አስተማሪዬ ነው እንደ አንድ ተማሪ እንዲታገድ ፍላጎት የለኝም ” ብለዋል።

እንዲሁም አፕል የዓለምን ገበያ እንደሚመራ ጠቅሰው፥ አፕል ባይኖር ሞባይል ኢንተርኔት የሚባል አይኖርም ነበር ሲሉ ተናግረዋል።

በተጨማሪም በአሜሪካ በኩል ህዋዌን የንግድ ጦርነቱ የመደራደሪያ አቅም ማዳበሪያ አድርጎ ማየቱም የለየት ቀልድ ነው ብለዋል።

ህዋዌ አሁንም ቢሆን በቻይና ተፈላጊነቱ እየጨመረ ሲሆን፥ የአፕል ትርፍ በአንጻሩ እያሽቆለቆለ እንደሚገኝ መረጃዎች ያሳያሉ።

ምንጭ፦ሲኤንኤን

 

You might also like
Comments
Loading...