Fana: At a Speed of Life!

ውበቷ ስራ ተቀጥራ ለመስራት እንቅፋት የሆነባት ወጣት

አዲስ አበባ፣ ግንቦት 13፣ 2011 (ኤፍ.ቢ.ሲ) ውበቷ ስራ ተቀጥራ ለመስራት እንቅፋት የሆነባት ወጣት የግሏን የአልባሳት መደበር ለመክፍት እንዳስገደዳት ተነግሯል፡፡

እሪና ኮቫ የተባለች የ33 ዓመት ወጣት ውበቷ ስራ ለመቀጠርና ለመስራት እንቅፋት እየሆነባት መምጣቱን ተከትሎ የግሏን የአልባሳት መደበር ለመክፍት እንደወሰነች ነው የተገለጸው፡፡

ሩሲያ ተወልዳ ለንደን የምትኖረው እሪና ኮቫ ለመገናኛ ብዙኃን በሰጠችው ቃለ ምልልስ ቁንጅናዋ በስራ ቅጥር ሂደት ላይ እና ስራ ካገኘች በኋላም ተጽህኖ ሲያሳድርባት መቆየቱን ተናግራለች፡፡

ወጣቷ ይህንን ችግር ለመቅረፍ ጸጉሯን  ማቅለሟን እና የእይታ ችግር ሳይኖርባት መነጸር መጠቀም መጀመሯን ገልፀላች፡፡

በአብዛኛው መዋቢያዎችን እንደማትጠቅም የገለጸችው ይህች ወጣት በዚሁ ሁኔታ ህይወቷን መቀጠል እንደማትፈልግ አስታውቃለች፡፡

ትልቅ ከንፈሮቿና አይኖቿ በቀላሉ የበርካቶችን ትኩረት እንደሚስቡ የምትናገረው እሪና ኮቫ ቀጣሪ ድርጅቶች በጣም ውብ ሴት ሰራተኞችን መቅጠር ለስራ አካባቢ ችግር እንደሚኖረው ግምት ሳይኖራቸው አይቀርም ስትል ነው የጠቆመችው፡፡

በቀላሉ ትኩረት ለማይስቡ ሴቶች ቅድሚያ የሚሰጡ ሲሆን÷ባለትዳር ሴቶችም ስራ ቦታ ሲመጡ ቆንጆ ሴት ማየቱ ምቾት አይሰጣቸውም ነው ያለችው፡፡

በንግድ ተቋማት የደንበኞች አገልግሎት ላይ በመስራት ልምድ እንዳላት የምትናገረው እሪና ኮቫ የስራ ደረጃዋን ለማሻሻል ውበቷ እንቅፋት ሆኖባታል ተብሏል፡፡

የህግ ትምህርት ምሩቋ እሪና ኮቫ ስራ ለመቀጠር የሚያስችል የተሟላ የግል ማህደርና ጥሩ ውጤት እንዳላት ቢገለጽም ለመቀጠር በምትሄድባቸው የስራ አካባቢዎች ሁሉ በሴቶች ዘንድ አመኔታ እንደማታገኝና ዛቻ እንደሚደርስባት ነው በዘገባው የተገለጸው፡፡

ምንጭ፡- odditycentral.com

You might also like
Comments
Loading...