Fana: At a Speed of Life!

ከቀድሞ ጠባቂያቸው ጋር ጋብቻ የፈጸሙት ንጉስ

 

አዲስ አበባ፣ ሚያዚያ 25፣2011 (ኤፍ.ቢ.ሲ) የታይላንድ ንጉስ ዋጂራሎንጎን የቀድሞ ምክትል ጠባቂያቸው ጋር ጋብቻ መፈፀማቸው ተነግሯል።

የታይላንዱ ንጉስ ዋጂራሎንጎን ከቀድሞ የግል ጠባቂ ምክትል ሃላፊ ከነበሩት እንስት ጋር ነው ጋብቻ የፈጸሙት።

ንጉሱ የንግስና በዓላቸውን ለማክበር የተወሰኑ ቀናት ሲቀራቸው ንግስት ሱቲዳ ጋር ጋብቻ መፈፀማቸውን ይፋ ማድረጋቸው ተገልጿል።

የጋብቻ ስነ- ስርዓቱ የንጉሳውያንን ቤተሰብ የጋብቻ ስነ-ስርዓት በጠበቀ መልኩ በደማቅ ሁኔታ ተከናውኗል፡፡

የሰርግ ስነ ስርዓቱ በሀገሪቱ የቴሌቪዥን ጣቢያ የተላለፈ መሆኑ በዘገባው ተመላክቷል።

የ66 ዓመት አዛውንቱ ንጉሥ ማሃ ዋጂራሎንጎን ከሦስት ዓመት በፊት የአባታቸውን ሞት ተከትሎ የሀገሪቱ ንጉስ ሆነው መሾማቸው ይታወሳል።

ንጉስ ዋጂራሎንጎን በአሁኑ ወቅት የሰባት ልጆች አባት ሲሆኑ ሦስት ሴቶችንም አግብተው ፈተዋል።
ምንጭ ፦አልጀዚራ

You might also like
Comments
Loading...