Fana: At a Speed of Life!

ኢኢ በብሪታኒያ የመጀመሪያ የሆነውን 5 ጂ የሞባይል ኔትዎርክ ይፋ አደረገ

 

አዲስ አበባ፣ ግንቦት 23፣ 2011 (ኤፍ.ቢ.ሲ) ኢኢ የተሰኘው ኩባንያ በብሪታንያ የመጀመሪያ የሆነውን 5 ጂ የሞባይል ኔትዎርክ ይፋ አድርጓል።

ኩባንያው 5ጂ የሞባይል ኔትዎርኩን ይፋ ያደረገው በታሜት ወንዝ ላይ በቀጥታ በሚተላለፈው የራፐር ስቶርምዜይ የሙዚቃ ድግስ ላይ ነው ተብሏል።

ይህ የ5 ጂ የሞባይል ኔትዎርክ መረጃዎችን በፍጥነት ለማውረድ ከማስቻሉ በተጨማሪ ፈጣን የኢንተርኔት አግልግሎት ለማግኘት የሚያስችል መሆኑ ተገልጿል።

ከዚህ ባለፈም በአንድ ሲም ካርድ 5 ጂ ሞባይል ኔትዎርክ ቀጥታ የቴሌቪዥን ስርጭት ማስተላለፍ  የሚቻል መሆኑም ነው የተገለፀው።

አገልግሎቱ ለመጀመሪያ ጊዜ በተሰወኑ ከተሞች ብቻ የሚሰጥ ሲሆን፥ ተጠቃሚዎች አግልግሎቱን ለማግኘት አዲስ የሞባይል ቀፎ መግዛት ይጠበቅባቸዋል ተብሏል።

ምንጭ፦ ቢቢሲ

You might also like
Comments
Loading...