Fana: At a Speed of Life!

ኢትዮጵያ ቡና ካሳዬ አራጌን በአሰልጣኝነት መምረጡን አስታወቀ

አዲስ አበባ ፣ ግንቦት 23 ፣ 2011 (ኤፍ ቢ ሲ) የኢትዮጵያ ቡና እግር ኳስ ክለብ የቀድሞውን የክለቡን ተጫዋች ካሳዬ አራጌን ለቀጣዩ የውድድር አመት የክለቡ ዋና አሰልጣኝ አድርጎ መምረጡን አስታወቀ።

ክለቡ በይፋዊ የፌስ ቡክ ገጹ እንዳስታወቀው፥ የቀድሞውን የክለቡን የመሃል ሜዳ ተጫዋች ለቀጣዩ የውድድር ዘመን በአሰልጣኝነት መርጧል።

ካሳዬ አራጌ ከአሜሪካ በመምጣት ባለው አጠቃላይ ሁኔታ ላይ ከቦርዱ ጋር ከተነጋገረ እና ስምምነት ላይ ከተደረሰም፥ የውድድር አመቱ ሳይጠናቀቅ የተጫዋቾች ምርጫ እንዲያደርግ ውሳኔ ላይ መደረሱንም ክለቡ አስታውቋል።

የክለቡ የስራ አመራር ቦርድ አዲስ የአሰልጣኝ ቅጥርን የሚያከናውን የእግር ኳስ ኦፕሬሽንና ቴክኒክ አስተዳደር ኮሚቴ አዋቅሯል።

ኮሚቴውም በቦርዱ በተሰጠው ውሳኔ መሰረት የክለቡን አሰልጣኝ ለመቅጠር የተለያዩ መመዘኛዎችን በማውጣት ሲንቀሳቀስ ቆይቷል።

በመጨረሻም የክለቡን የጨዋታ ዘይቤ ይረዳል በሚል የቀድሞውን የክለቡን ኮከብ ካሳዬ አራጌን በአሰልጣኝነት እንዲመረጥ ወስኗል።

You might also like
Comments
Loading...