Fana: At a Speed of Life!

አይ ኤስ በናይጄሪያ ቦርኖ ግዛት 11 ወታደሮችን መግደሉን አስታወቀ

አዲስ አባባ፣ ግንቦት 4፣ 2011 (ኤፍ.ቢ.ሲ) የአሸባሪው አይ ኤስ ታጣቂዎች በናይጄሪያ ቦርኖ ግዛት በሰሜን ምስራቅ ጋጂጋና ከተማ 11 ወታደሮችን መግደላቸው ተሰምቷል።

ለናይጄሪያ ወታደሮች ሞት ሙሉ በሙሉ ኃላፊነቱን የወሰደው የአይ ኤስ አሸባሪ ቡድን፤ በወታደሮቹ ላይ የተፈፀመው ጥቃትም ባሳለፍነው አርብ በቦርኖ ግዛት ሰሜን ምስራቅ በምትገኝ ከተማ ውስጥ መሆኑንም አስታውቋል።

በጥቃቱ ህይወታቸው ያለፈው ወታደሮች አስክሬን እና ይዘውት የነበረ ነው የተባለ የተቃጠለ ተሽከርካሪ ምስሎችንም መድረ ገፅ ላይ ገልጿል።

ሶስት የተለያዩ ምንጮች ጥቃቱ መፈፀሙን ያረጋገጡ ሲሆን፥ ታጣቂዎችም በሞተር ሳይክል በመሆን ወደ ከተማዋ ገብተው ተኩስ በመክፈት ጥቃቱን ማድረሳቸውን አስታውቀዋል።

ታጣቂዎቹ ከተማዋን ለቀው መውጣት የቻሉትም በተከማዋ ያለው የናይጄሪያ ጦር ለሀገሪቱ አየር ሀይል እና በጎረቤት ከተሞች ያሉ ሻለቃ ጦሮች ድጋፍ እንዲያደርጉለት ጥሪ አቅርቦ መምጣታቸውን ተከትሎ መሆኑንም ገልፀዋል።

ምንጭ፦  www.aljazeera.com

You might also like
Comments
Loading...