Fana: At a Speed of Life!

አውስትራሊያ ከካናዳ ስንዴ ልታስገባ ነው

አዲስ አበባ፣ ግንቦት 7፣ 2011 (ኤፍ.ቢ.ሲ) አውስትራሊያ በድርቅ በመመታቷ ከ12 ዓመታት በኋላ ለመጀመሪያ ጊዜ ከካናዳ ስንዴ ልታስገባ መሆኑ ተነግሯል፡፡

ሀገሪቱ ከፈረንጆቹ 2007 በኋላ የምታስገባው ስንዴ በትናትናው ዕለት በመንግስት ይሁንታን አግኝቷል፡፡

በከፍተኛ ፕሮቲን የበለፀገውን ስንዴ የያዘች መርከብ ከስድስት እስከ ስምንት ሳምንታት ውስጥ  ወደ ሀገሪቱ ገብቶ ማኒልድራ በተባለው ድርጅት አገልግሎት ላይ ይውላል ተብሏል፡፡

በሀገሪቱ 116 ዓመታት ታሪክ አስከፊው የድርቅ እንደተከሰተ ያስታወቀው ማኒልድራ፥ የተባለውና ይህንን ስንዴ የሚረከበው ድርጅት በድርቁ ምክንያት ከፍተኛ የሆነ የነጭ ስንዴ እጥረት እንዳጋጠመ አስታውቋል፡፡

ስንዴው ወደ ሀገሪቱ መግባቱ በመቶዎች የሚቆጠሩ ሰራተኞች ስራ ቀጣይ እንዲሆን እና  ኩባንያው ስንዴን በመጠቀም የሚያመርታቸውን ምርቶች ማምረት እንዲቀጥል ያስችለዋል ብሏል፡፡

ከካናዳ ወደ አውስትራሊያ የሚገባው ይህ ስንዴ ከ50 ሺህ እስከ 60 ሺህ ቶን የሚገመት እንደሆነም ተነግሯል፡፡

ምንጭ፡- አልጀዚራ

You might also like
Comments
Loading...