Fana: At a Speed of Life!

አኮር የተሰኘው ኩባንያ በኢትዮጵያ 7 ሆቴሎችን ሊገነባ ነው

አዲስ አበባ፣ ግንቦት 5፣ 2011 (ኤፍ.ቢ.ሲ) በሆቴል ኢንዱስትሪ ላይ የተሰማራው አኮር የተሰኘው ኩባንያ ኢትዮጵያ፣ ደቡብ አፍሪካ እና ናይጄሪያን ጨምሮ በተለዩ የአፍሪካ ሀገራት ሆቴል ሊከፍት ነው።

ኩባንያው የገበያ ተደራሽነቱን በማስፋት ገቢው ለማሳደግ ባቀደው መሰረት በቀጣይ አራት ዓመታት ኢትዮጵያን ጨምሮ በ14 የአፍሪካ ሀገራት 60 አዳዲስ ሆቴሎችን ሊገነባ መሆኑን አስታውቋል።

በዚህ መሰረትም በፈረንጆች በ2020 ላይ በኢትዮጵያ ሰባት ፣በናይጀሪያ 10 እና በደቡብ አፍሪካ ደግሞ ሶስት ሆቴሎችን ለመክፈት ማቀዱን አስታውቋል ።

ከዚህ ባለፈም በአፍሪካ ለመገንባት ከታቀዱት 60 ሆቴሎች ውስጥ በቀጣይ ሁለት ዓመታት ከግማሽ በላይ የሚሆኑትን በግብፅ የሚከፍት መሆኑ ነው የተገለፀው።

ይህም በሀገሪቱ በተለያዩ ውጫዊ ምክንያች ተቀዛቅዞ የቆየውን የሆቴል ኢንዱስትሪ ለማበረታታት ያስችላል ተብሏል።

እንደ አውሮፓውያኑ አቆጣጠር በ2015 አይ ኤስ የተሰኘው የሽብር ቡድን በግብፅ ሻህረም ኤል ሼኢክ ሪዞርት ላይ በፈፀመው ጥቃት 224 ሰዎች መሞታቸው ይታወሳል ።

ድርጊቱ ከተፈፀመ 10 ዓመት በኋላ ግብፅ ከነበረው አስፈሪ ድባብ መውጣቷን የጠቆመው ድርጅቱ ፥ በአሁኑ ወቅት ለአኮር ተመራጭ የሆቴል ኢንዱስትሪ መዳረሻ መሆኗን አንስቷል።

አኮር በአሁኑ ወቅት በአፍሪካ 143 ሆቴሎች ያሉት ሲሆን፥ 63 የሚሆኑትም በደቡብ ሰሃራ አፍሪካ ሀገራት ውስጥ ይገኛሉ።

ምነጭ ፥www.businesslive.co.za

You might also like
Comments
Loading...