Fana: At a Speed of Life!

አንድአምላክ በህንድ በተካሄደው የ10ኪሎ ሜትር የጎዳና ላይ ሩጫ ውድድር አሸነፈ

አዲስ አበባ፣ ግንቦት 11፣ 2011(ኤፍቢሲ) አንድአምላክ በልሁ በህንድ ባንግሎሩ በተካሄደው የ2019 የ10ኪሎ ሜትር የጎዳና ላይ ሩጫ ውድድር በማሸነፍ የ26 ሺህ ዶላር አሸናፊ ሆነ።

አንድአምላክ በልሁ ውድድሩ ከተጀመረ በኋላ የጉልበት ህመም አጋጥሞት እንደነበረ ጠቅሶ ከሁለተኛ ኪሎሜትር በኋላ ውድድሩን መምራት መጀመሩን ገልጿል።

አንድአምላክን በመከተል ኡጋንዳዊው አትሌት ሁለተኛ ሲወጣ የዚህ ዓመት የቶኪዮ ማራቶን አሸናፊው ብርሀኑ ለገሰ በሦስተኛነት አጠናቋል።

በውድድሩ በአምስት የተለያዩ ውድድሮች ሲካሄዱ በጥቅሉ 25 ሺህ ተወዳዳሪዎች ይሳተፉበታል።

አንድአምላክ ከሰባት ወራት በፊት የዓለም አቀፉ አትሌቲክስ ፌዴሬሽን የወርቅ ደረጃ በተሰጠው የደልሂ ግማሽ ማራቶን ማሸነፉ ይታወሳል።

በሴቶች በተካሄደው ውድድር ደግሞ ሰንበሬ ተፈሪ ኬንያዊቷን በመከተል ሁለተኛ የወጣች ሲሆን፥ ለተሰንበት ግደይ፣ ነጻነት ጉደታ፣ ደራ ዲዳ፣ ፀሀይ ገመቹ ተከታዮቹን ደረጃ በመያዝ አጠናቀዋል።

You might also like
Comments
Loading...