Fana: At a Speed of Life!

አሜሪካ፣ጃፓን፣ደቡብ ኮሪያና አውስትራሊያ የጋራ የባህር ሃይል ልምምድ አካሄዱ

አዲስ አበባ ፣ ግንቦት 15፣ 2011 (ኤፍ.ቢ.ሲ) አሜረካ፣ጃፓን፣ደቡብ ኮሪያና አውስትራሊያ የጋራ የባህር ሃይል ልምምድ ማካሄዳቸው ተገለፀ።

ሀገራቱ በፓስፊክ ውቅያኖስ ምዕራባዊ አቅጣጫ  የጋራ የባህር ሃይል ልምምድ ማድረጋቸውን አሜሪካ አስታውቃለች ።

አራቱ ሀገራት በጋራ ያካሄዱት ይህ  የጋራ የባህር ሃይል ልምምድም ለመጀመሪያ ጊዜ የተካሄደ መሆኑ ተነግሯል።

ልምምዱ የተካሄደውም ፕሬዚዳንት ዶናልድ ትራምፕ በያዝነው መጨረሻ ሳምንት ላይ ጃፓንን ለመገብኝት ያወጡትን እቅድ ተከትሎ ነው ተብሏል።

ይህም ዋሽንግተን ከእስያ ሀገራት ጋር ያላትን ግንኙነት ከማጠናክሩም በላይ  ቻይና በቀጠናው  የምታሳድርውን ስጋት ለመቀነስ የሚያስችል መሆኑ ነው የተገለፀው።

ከዚህ ባለፈም የጋራ ወታደራዊ ልምምዱ በቀጠናው ያለውን ፀጥታና ደህንነት በማስጠበቅ የጋራ ፍላጎትን ለማስከበር የሚያስችል መሆኑን የአሜሪካ ባህር ሃይል አስታውቋል።

ለጋራ ልምምዱም አሜሪካ አምስት የጦር መርከቦች፣ተዋጊ ጀቶችና የባህር ሃይል መቆጣጠሪያ አወረሮፕላኖችን ያሳተፈች መሆኑ በዘገባው ተመላክቷል።

ምንጭ ፥ሬውተርስ

You might also like
Comments
Loading...