Fana: At a Speed of Life!

ቻይና የዊኪፒዲያ ድረ ገጽን አገደች

አዲስ አባባ፣ ግንቦት 7፣ 2011 (ኤፍ.ቢ.ሲ) ቻይና ዊኪፒዲያ የተባለው ድረ ገጽ ሀገሯ ውስጥ መስራት እንዳይችል አድርጋ መዝጋቷ ተነግሯል።

ቻይና ከዚህ ቀደም የድረ ገጹን የቻይንኛ ቋንቋ አገልግሎት አግዳ የቆየች ሲሆን፥ አሁን ደግሞ በሁሉም ቋንቋ በሀገሪቱ ውስጥ እንዳይከፈት ነው ያገደችው ተብሏል።

የኢንተርኔት የጥናት ቡድን እንዳረጋገጠው ዊኪፒዲያ በቻይና ውስጥ የማይክፈቱ በሺህዎች የሚቆጠሩ ድረ ገጾቸን ተቀላቅሏል።

ዊኪፒዲያ በበኩሉ ቻይና ድረ ገጹን ልትዘጋ ስለመሆኑ ቀድማ ያሳወቀችኝ ነገር የለም ሲል አስታውቋል።

ዊኪፒዲያ ድረ ገጽ በበርካታ ሀገራት የመዘጋት አደጋ እያጋጠመው እንደሆነ ነው እየተነገረ ያለው።

ቱርክ እንደ አውሮፓውያኑ አቆጣጠር በ2017 ድረ ገጹ በሀገሯ እንዳይሰራ የዘጋች ሲሆን፥ ቬንዙዌላ ደግሞ አሁን ባለንበት የፈረንጆቹ ዓመት ድረ ገጹን መዝጋቷ ተነግሯል።

ምንጭ፦ www.bbc.com

You might also like
Comments
Loading...