Fana: At a Speed of Life!

ቻይና የህክምና መሳሪያዎችን የያዘች አውሮፕላን ወደ ቬኒዙዌላ ላከች

አዲስ አበባ፣ግንቦት 6፣2011 (ኤፍ.ቢ.ሲ) ቻይና የተለያዩ የእርዳታ ህክምና መሳሪያዎችን ያዘች የጭነት አውሮፕላን ወደ ቬኒዙዌላ ልካለች ።

የተለያዩ የህክምና መርጃ ማሳሪያዎችን የያዘች  የቻይና የጭነት አውሮፕላን በትናንትናው ዕለት ቬኒዙዌላ  ዋና ከተማ ካራካስ መድረሷን የሀገሪቱ  የኮሙዩኒኬሽን ሚኒስቴር አስታውቋል ።

በዚህም ቻይና የተለያዩ መድሃኒቶችን እና የቀዶ ጥገና ቁሳቁሶችን ጨምሮ ሁለት ሚሊየን የሚጠጉ የተለያዩ  የህክምና መሳሪያዎች መላኳ ነው የተገለፀው።

የህክምና መሳሪያዎችም  በቬኒዙዌላ በተከሰተው ቀውስ ምክንያት ለተለያዩ በሽታዎች የተጋለጡ ዜጎችን የህክምና አገልግሎት ለመስጠት የሚያስችሉ ናቸው ተብሏል።

የቬኒዙዌላ ተቃዋሚ መሪ ጁዋን ጓይዶ እራሳቸውን የሀገሪቱ የሽግግር ፕሬዚዳንት አድርገው መሾማችውን ተከትሎ ከወቅቱ ፕሬዚዳንት ኒኮላስ ማድሮ ጋር በተፈጠረ እሰጣ ገባ በሀገሪቱ ከፍተኛ የሆነ አለመረጋጋት መከሰቱ  ይታወሳል።

አለመረጋጋቱን  ተከትሎ በተከሰተው የኢኮኖሚ ቀውስም በርካታ የሀገሪቱ ዜጎች ለከፍተኛ የምግብ እጥረትና የጤና አገልግሎት ችግር መጋለጣቸውን መረጃዎች ያሳያሉ።

ምንጭ ፦ሲ ኤን ኤን

You might also like
Comments
Loading...