Fana: At a Speed of Life!

ትዊተር ፅንፈኝነትን የሚያበረታቱ 166 ሺህ 153 ገጾችን አገደ

አዲስ አበባ፣ ግንቦት 2፣ 2011 (ኤፍ.ቢ.ሲ) ትዊተር ሽብርተኝነትንና ፅንፈኝነትን የሚያበረታቱ ይዘቶችን የሚያሰራጩ 166 ሺህ 153 ገጾችን አገደ።

የማህበራዊ ትስስር ገጹ በመተግበሪያው ሽብርተኝነትና ፅንፈኝነትን የሚያበረታቱ ይዘቶችን በሚያሰራጩ ገጾች ላይ እርምጃ እየወሰደ መሆኑን አስታውቋል።

በዚህም መሰረት ኩባንያው ካለፈው ዓመት አጋማሽ ጀምሮ ሽብርተኝነትን የሚያበረታቱና ተያያዥ ይዘቶችን የሚያሰራጩ ገጾችን ከመተግበሪያው ማገዱን ገልጿል።

ኩባንያው ጉዳዩን አስመልክቶ በሰጠው መግለጫ፥ እገዳውን ተከትሎ በመተግበሪያው ፅንፈኝነትን የሚያበረታቱ ይዘቶች ስርጭት መቀነሱን አስታውቋል።

ችግሩን ዘላቂነት ባለው መልኩ ለመፍታትም ከፌስቡክና ከጎግል ጋር በቅንጅት እየሰራ መሆኑን አንስቷል።

ከዚህ ባለፈም በዓለም ዙሪያ ከሚገኙ የመንግስት አካላት ጋር በማህበራዊ ትስስር ገጾች ፅንፈኝነትን የሚያበረታቱ ተጠቃሚዎች ላይ ህጋዊ እርምጃ እንዲወሰድባቸው እየተሰራ ነው ተብሏል።

ከዚህ ጎን ለጎንም በመተግበሪያው መሰል ይዘቶችን የሚያሰራጩ ገጾችን ቅድሚያ ለመለየት የሚያስችሉ ቴክኖሎጂዎችን ይበልጥ ማሳደግ ይገባልም ነው የተባለው።

ምንጭ ፦ሲ ጂ ቲ ኤን

 

You might also like
Comments
Loading...