Fana: At a Speed of Life!

ቴሬዛ ሜይ በመጪው ግንቦት 30 ስልጣን እንደሚያስረክቡ አስታወቁ

አዲስ አበባ፣ ግንቦት 16፣ 2011 (ኤፍ.ቢ.ሲ) የብሪታንያዋ ጠቅላይ ሚኒስትር ቴሬዛ ሜይ የፊታችን ግንቦት 30 ስልጣን እንደሚለቁ አስታወቁ።

ጠቅላይ ሚኒስትሯ ብሪታንያ ከህብረቱ ጋር በምትለያይበት ጉዳይ ላይ ከፓርላማ አባላት ጋር ስምምነት ላይ መድረስ አለመቻላቸው ይታወሳል።

የፍቺ ስምምነቱን ሦስት ጊዜ ፓርላማው አቅርበው ውድቅ ተደርጎባቸዋል።

ሰሞኑንም ስልጣን እንዲለቁ ወግ አጥባቂ የፓርላማው አባላትና ተቀናቃኛቸው ሌበር ፓርቲ ግፊት ሲያደርጉ ሰንብተዋል።

ይህንንም ተከትሎ ቴሬዛ ሜይ ከደቂቃዎች በፊት ስልጣናቸውን የፊታችን ግንቦት 30 እንደሚያስረክቡ አስታውቀዋል።

ሜይ በንግግራቸው የ2016ቱን ድምጸ ውሳኔ ለማስከበር የተቻላቸውን ጥረት ማድረጋቸውን ገልጸዋል።

ሆኖም ያደረጉት ጥረት ፍሬ ማፍራት አለመቻሉ እንደሚፀጽታቸው ተናግረዋል።

ቴሬዛ ሜይ ከሦስት ዓመታት በፊት ነበር የቀድሞ ዴቪድ ካሜሮን በገዛ ፍቃዳቸው ስልጣን መልቀቃቸውን ተከትሎ ጠቅላይ ሚኒስትር የሆኑት።

 

ምንጭ፦ቢቢሲ

You might also like
Comments
Loading...