Fana: At a Speed of Life!

ባለፉት 7 ወራት ወደ ውጭ ከተላከ የሁመራ ነጭ ሰሊጥ የ71 ሚሊየን ዶላር የውጭ ምንዛሬ ተገኘ

አዲስ አበባ፣ ግንቦት 14፣ 2011 (ኤፍ ቢ ሲ) ባለፉት ሰባት ወራት ወደ ውጭ ከተላከው የሁመራ ነጭ ሰሊጥ 71 ሚሊየን የአሜሪካ ዶላር የውጭ ምንዛሬ መገኘቱን የትግራይ ክልል የእርሻ ገበያ ፕሮሞሽን ኤጀንሲ አስታወቀ።

ኤጀንሲው እንዳስታወቀው ከጥቅምት ወር 2011ዓ.ም ጀምሮ ከ446 ሺህ ኩንታል በላይ ነጭ ሲሊጥ ወደ 21 ሀገራት ተልኳል።

በዚህም 71 ሚሊየን የአሜሪካ ዶላር የውጭ ምንዛሬ መገኘቱን ኤጀንሲው አስታውቋል።

የዘንድሮ ዓመት የአንድ ኩንታል ነጭ ሲሊጥ በአለም ገበያ ከአምናው አንድ ኩንታል ነጭ ሰሊጥ ጋር ሲነፃፀር የ40 ዶላር ጭማሪ እንዳለው ተገልጿል።

በአሁኑ ወቅትም የሁመራ ነጭ ሰሊጥ በአለም ገበያ 160 ዶላር እየተሸጠ እንደሚገኝ ነው የተገለጸው።

You might also like
Comments
Loading...